სელექციის სასწაული - პომიდვრის ხე, რომელიც ტონანახევარ ნაყოფს ისხამს

პირველად ასეთი ხე საერთაშორისო გამოფენაზე EXPO-85-ზე წარადგინეს, რომელიც იაპონიაში ჩატარდა. პომიდვრის ერთადერთი თესლიდან აღმოცენებული ხე ექვსი თვის მანძილზე იაპონიის მთავრობის პავილიონში იზრდებოდა. მოსვლის აღების დროს ვაზის მსგავს, გაშლილ ტოტებზე 13 312 ცალი პომიდორი დათვალეს.

მეთოდი, რომლის საშუალებითაც ასეთი ფანტასტიკური მოსავალი მიიღეს, ჰიპონიკას სახელითაა ცნობილი და ის 1985 წელს იაპონელმა ნოზავა შიგომ შეიმუშავა.

თავის დროზე, პომიდვრის ხის ტყეების იდეა საბჭოთა კავშირშიც მოუვიდათ.
მცენარეთა დაცვის ინსტიტუტის ლაბორატორიულ სათბურში უჩვეულო ხის გაზრდისთვის ჩვეულებრივი პომიდვრის ჯიში „საჩუქარი“ და ლაბორატორიაში შექმნილი პრეპარატი„ ბიოსტიმი“ გამოიყენეს, რომელიც მოსავლიანობის ზრდისთვის იყო განკუთვნილი.
ექსპერიმენტის მესამე წელს პომიდვრის ღეროები ხისას დაემსგავსა და ძლიერი ფესვთა სისტემა განავითარა, მაგრამ მეოთხე წელს საბჭოთა კავშირის ნგრევის პერიოდი დაემთხვა და პომიდვრის ხისთვის აღარავის ეცალა.

„პომიდვრის ხე პირველად მოსავლის აღების დროს ვნახე. ნაყოფს 3 ადამიანი კრეფდა. ერთ ჯერზე, დაახლოებით, ოთხი ათასი პომიდორი დაკრიფეს, საიდანაც თითოეულის წონა 100-130 გრამი იყო. საერთო ჯამში, ერთი წლის მანძილზე, ერთი ხიდან დაახლოებით 1,5 ტონა პომიდორი დაიკრიფა. წარმოგიდგენიათ, რა მოსავალია?” - იხსენებს მცენარეთა დაცვის ინსტიტუტის თანამშრომელი.

საბჭოთა მეცნიერებმა პომიდვრის ტყეების გაშენების იდეა მალე დაივიწყეს, რადგან ის ყინვაგამძლე მცენარე არ აღმოჩნდა, ხოლო შესაბამისი ზომის სათბურის აგება და პომიდვრის ხეების გაშენება პრობლემური და ძვირია.

გავრცელებული ინფორმაციით, ჰიპონიკას მეთოდის შემქმნელი ნოზავა შიგო ახლა წარმატებული კომპანიის Kiova– ს პრეზიდენტია და პომიდვრის ბაღების გაშენებას აგრძელებს.

შიგოს ბაღი ქალაქ ცუკუბას გარეუბანში მდებარეობს, სადაც 3-მეტრიანი პომიდვრის ხეები იზრდება და სეზონზე თითო ხე 14 000 ნაყოფს ისხამს.