ახალი კვლევა: ყავის ხშირი მოხმარება ტვინის მოცულობას ამცირებს (?!)

კვლევის მიზანი, რომელშიც 20 ჯანმრთელი ადამიანი მონაწილეობდა, იმის გარკვევა იყო, როგორ მოქმედებს ტვინზე ყავის ხშირი მოხმარება. პასუხი ძალიან მოულოდნელი და საინტერესო აღმოჩნდა.

გაირკვა, რომ ადამიანები, რომლებიც კოფეინს მუდმივად მოიხმარენ, უძილობას არ უჩივიან, თუმცა მათი ტვინის რუხ ნივთიერებაში ცვლილებები აღინიშნება.

ექსპერიმენტში მონაწილე ადამიანები რეგულარულად სვამდნენ ყავას, მაშინაც, როცა გამოფხიზლება არ სჭირდებოდათ. კვირანახევრის შემდეგ, იმ პაციენტების თავის ტვინის მოცულობა, რომლებიც კოფეინის აბებს იყენებდნენ, შემცირდა. განსაკუთრებით ტვინის ის ნაწილი დაზარალდა, რომელიც მოგონებების შენახვაზეა პასუხისმგებელი.

მეცნიერებმა აღნიშნეს, რომ კვლევის შედეგები ტვინზე კოფეინის უარყოფით გავლენაზე არ მიუთითებს, მაგრამ ის ადასტურებს, რომ ყავის რეგულარული მოხმარება ტვინის „მყარი დისკის“ ცვლილებებს იწვევს.

სასიხარულო ისაა, რომ ტვინის რუხი ნივთიერების მოცულობის შემცირებასთან დაკავშირებული ეფექტი ცვალებადია. ტვინის ყველა აქტივობა აღდგება, თუ ყავის სმაზე თუნდაც ათდღიან მორატორიუმს გამოაცხადებთ.

წყარო: www.sciencedaily.com