სილამაზე/ჯანმრთელობა

რისგან კეთდება ხელოვნური ბრინჯი და როგორ განვასხვაოთ ის ნამდვილისგან?

fun time

11:00 პარ. 25 დეკემბერი, 2020 წელი

ხელოვნური ბრინჯი - მარტივი
ტესტი ამოსაცნობად

14
დაკოპირებულია

მსოფლიოში დიდი ხანია, გამოჩნდა მასობრივი წარმოების ხელოვნური ბრინჯი. „პლასტმასის“ ბრინჯი პირველად აზიაში, კერძოდ ჩინეთსა და ვიეტნამში აღმოაჩინეს. დღეს მისი ნახვა ევროპისა და აზიის სუპერმარკეტებშიც შეიძლება. რაც არ უნდა სამწუხარო იყოს, აღნიშნული ბიზნესი საკმაოდ მომგებიანი აღმოჩნდა.

დღეს ეს პროდუქტი ნებისმიერ დიასახლისს აქვს სამზარეულოში. გარდა იმისა, რომ ბრინჯის ფასი ხელმისაწვდომია, ეს მარცვლეული ძალიან სასარგებლოა - შეიცავს უჯრედისს, ბ ჯგუფის ვიტამინებს, სპილენძს, იოდს და, თანაც, შესანიშნავი გარნირია ხორცთან, თევზთან, ბოსტნეულთან. ალბათ, არ არსებობს ადამიანი, ვისაც ერთხელ მაინც არ გაუსინჯავს ბრინჯის ფაფა და ბრინჯის ფლავი აზიურად.
ბრინჯი კოსმეტიკური დანიშნულებითაც გამოიყენება - მაგალითად, ბრინჯის წყალი თმისთვის, ბრინჯის ნიღაბი და ბრინჯის ტონიკი სახისთვის...

თუმცა, რა თქმა უნდა, იგულისხმება, რომ ბრინჯი უნდა იყოს ნატურალური.

ხელოვნური ბრინჯი მთლიანად სინთეტიკური არ არის. მის შემადგენლობაში შედის კარტოფილის სახამებელი, რომელსაც ფორმის შენარჩუნებისთვის პლასტიკატი ემატება. ამ ბრინჯის ერთი ულუფის მირთმევა იგივეა, რაც ერთი ცალი პოლიეთილენის პარკის ჭამა, ამიტომ, ბრინჯის მომზადებამდე სასურველია მისი ტესტირება.

პლასტმასის ბრინჯი, ერთი შეხედვით, არაფრით განსხვავდება ნატურალურისგან, მაგრამ მოხარშვის შემდეგ არ რბილდება და, რაც მთავარია, ჯანმრთელობისთვის საფრთხეს წარმოადგენს.

ქვემოთ წარმოდგენილი ტესტები დაგეხმარებათ ბრინჯის ხარისხის განსაზღვრაში:

💡 წყლის ტესტი

ერთი სუფრის კოვზ ბრინჯს დაასხით ცივი წყალი და მოურიეთ. თუ ცოტა ხნის შემდეგ ბრინჯი ჭურჭლის ფსკერზე დაეშვა, ყველაფერი კარგადაა. თუ მარცვლები წყლის ზედაპირზე ამოტივტივდა, ფრთხილად უნდა იყოთ!

💡 ცეცხლის ტესტი

ბრინჯის მარცვალთან ანთებული ასანთი მიიტანეთ. ხელოვნური ბრინჯი მაშინვე აალდება და დამწვარი პლასტმასის სუნს დააყენებს!

💡 ქვასანაყის ტესტი

ბრინჯის რამდენიმე მარცვალი ქვასანაყში დანაყეთ და დააკვირდით. ნამდვილი ბრინჯი თეთრ ფქვილად იქცევა, ხელოვნური კი - ოდნავ მოყვითალო მასად.

💡 ობის ტესტი

ბრინჯის ხარისხის შემოწმება მისი მოხარშვის შემდეგაც არის შესაძლებელი. ცოტაოდენი მოხარშული ბრინჯი ჰერმეტულ ჭურჭელში მოათავსეთ და თბილ ადგილზე დადგით. რამდენიმე დღის შემდეგ ნამდვილ ბრინჯზე ობი გაჩნდება, ყალბი ბრინჯი კი ისეთივე სუფთა იქნება, როგორც ადრე.

გახსოვდეთ, პლასტმასის ბრინჯი მნიშვნელოვნად აზიანებს მომნელებელ სისტემას და ზოგადად, სახიფათოა ჯანმრთელობისთვის.

ამ მარტივი ტესტებით შეძლებთ გაიგოთ, რამდენად უსაფრთხო და ხარისხიანია პროდუქტი, რომელსაც მიირთმევთ ან სილამაზისთვის მოიხმართ.


სიახლეები ამავე კატეგორიიდან

ინდონეზიელმა მეცნიერებმა საშიშ კოღო...

ინფექციური დაავადება
დენგე

რატომ იკლებს ადამიანი სიმაღლეში ასა...

ასაკი და სიმაღლე

ახალი კვლევა - სხეულის დაბალი ტემპე...

სხეულის დაბალი
ტემპერატურა

საინტერესო ფაქტები საზამთროს შესახე...

საზამთროს სამკურნალო
თვისებები

ფეიხოას სასარგებლო თვისებები

ფეიხოას სასარგებლო
თვისებები

ადამიანის ნერწყვი მორფინზე ძლიერ გა...

ადამიანის ნერწყვი

მარცვლეული, რომელიც თითქმის ყველაფრ...

რა არის ფეტვი

ციკორის ყავა

ციკორის ყავა

რა არის სპირულინა?

რა არის სპირულინა?