რა გელოდებათ, თუკი ქალწულს გადაიმტერებთ

ქალწულის სასჯელი ყველგან მოგძებნით, თანაც სწორედ იმ დროს, როცა არ ელოდებით.

„შურისძიება ის კერძია, რომელიც ცივად უნდა მიართვა“ - ეს წესი ქალწულისთვის არის დაწერილი!

ქალწული - უდიდესი შურისმაძიებელი და ჭკვიანი სტრატეგია. მისთვის შურისძიების გეგმის შედგენა და შემდეგ რეალიზაცია, გართობაა. თანაც, რაც უფრო დახვეწილია შურისძიება, ქალწულისთვის მით უფრო საინტერესოა პროცესი.

გინახავთ ფილმები, სადაც მთავარი პერსონაჟი ფინალურ სცენაში შეიტყობს, რომ სუკეთესო მეგობრის მაქინაციების გამო დაკარგა ყველაფერი - სახლი, მანქანა, ბიზნესი?!
აი, ის საუკეთესო მეგობარი ზოდიაქოს ნიშნით აუცილებლად ქალწული იქნებოდა.

ქალწულს უყვარს არა მხოლოდ თითოეული დეტალის დამუშავება, არამედ მსხვერპლის და მისი გარემოცვის რეაქციების გამოცნობა.

ქალწულის შურისძიების პროცესი დიდხანს უხმაუროდ მიმდინარეობს, მაგრამ ერთ მომენტში ყველაფერი დაგეგმილ ფინალამდე მიდის: ეს არის სრული კრახი იმ ადამიანის ცხოვრებისა, ვინც გააბედა და ქალწული გაანაწყენა!

ქალწული მოხერხებულად აგროვებს კომპრომატებსა და ინფორმაციას მსხვერპლის შეცდომებზე, სუსტ ადგილებზე... შემდეგ კი „საბედისწერო შეხვედრას“ უწყობს მსხვერპლს - მაგალითად, თუკი ბიზნესი გაქვთ, შეიძლება სრულიად მოულოდნელ და უხერხულ მომენტში საგადასახადო დაგადგეთ თავზე.

როგორც კი შურისძიების აქტი დასრულდება, ქალწული თავისი მსხვერპლის მიმართ ყოველგვარ ინტერესს კარგავს. რამდენ ხანს გაგრძელდება მსხვერპლის უბედურება, ეს დამოკიდებულია იმაზე, თუ როგორი სირთულის მექანიზმი აამუშავა შურისძიებისთვის ქალწულმა თავის დროზე.