მსოფლიოში ერთადერთი ქალი, რომელსაც ორი პრეზიდენტი ქმარი ჰყავდა!

გრასას პირველი ქმარი 11 წლის განმავლობაში მოზამბიკის პირველი პრეზიდენტი სამორ მოიზეს მაშელი იყო. იგი 1986 წელს, გაურკვეველ ვითარებაში მომხდარ ავიაკატასტროფაში დაიღუპა - მისი საპრეზიდენტო თვითმფრინავი ჩამოვარდა მოზამბიკისა და სამხრეთ აფრიკის რესპუბლიკის საზღვართან.

ნელსონ მანდელა მაშინ პატიმრობაში იმყოფებოდა და გრასას სამძიმრის და თანაგრძნობის წერილი ციხიდან გაუგზავნა. მაშინ ისინი ერთმანეთს არ იცნობდნენ.

ციხიდან გამოსვლის შემდეგ მანდელა მოზამბიკში ჩავიდა, სადაც ისე უკვე სახალხო გმირი იყო. და სწორედ მაშინ გაიცნეს „შეყვარებულებმა“ ერთმანეთი.

წყვილი დაქორწინებას არ ჩქარობდა.

მხოლოდ პირველი ქმრის გარდაცვალებიდან 12 წლის შემდეგ, 52 წლის გრასა სამხრეთ აფრიკის რესპუბლიკის პირველი ფერადკანიანი პრეზიდენტის ნელსონ მანდელას მეუღლე გახდა.

აღსანიშნავია, რომ როგორც პირველ, ისე მეორე მეუღლესთან გრასა მაშელი საკმაოდ სერიოზულ პოლიტიკურ ცხოვრებას ეწეოდა.

გრასამ ლისაბონის უნივერსიტეტი დაამთავრა; სტუდენტობის შემდეგ მოზამბიკის განმათავისუფლებელი ფრონტის წევრი იყო და კულტურისა და განათლების მინისტრის პოსტები ეკავა (ვიდრე პრეზიდენტის ცოლი გახდებოდა).
უცხოური ენების ცოდნამ მისი საერთაშორისო კავშირები უფრო გააღრმავა და გააფართოვა. იგი. პორტუგალიურის გარდა, კარგად საუბრობს ინგლისურ, ესპანურ, იტალიურ, ფრანგულ ენებზე.
გრასა თანამშრომლობდა სხვადასხვა ევროპულ და საერთაშორისო ორგანიზაციასთან და ქალთა და ბავშვთა უფლებების აქტიური დამცველი იყო.