ურთიერთობა

სასწაული 12 ლარად

funtime

15:00 პარ. 1 იანვარი

სილამაზის სალონში
14
დაკოპირებულია

იმ დღეს ერთ თბილისურ სილამაზის სალონში მოხუცი ქალბატონი შემოვიდა. უბრალოდ ჩაცმული, თუმცა - გემოვნებით. ჯერ უხერხულად მიიხედ-მოიხედა, შემდეგ კი ადმინისტრატორის მაგიდას მიუახლოვდა...

- რა ღირს მანიკიურის გაკეთება? - მორიდებით იკითხა. ეტყობოდა, რომ სალონში ბევრი წელი არ იყო ნამყოფი.
მომსახურების ღირებულება აშკარად ბევრად აჭარბებდა ქალის მიერ ნავარაუდებ თანხას.
- ლაქი რომ არ წავისვა? - მაინც ჩაეკითხა.
როცა პასუხი მოისმინა - ანუ ფასი იგივე იყო - მორჩილად შემობრუნდა და კარისკენ გაემართა.

იქვე ახალგაზრდა ქალი იჯდა, რომელიღაც პროცედურაზე თავის რიგს ელოდებოდა და მოხუცის თვალებს ყველაზე ახლოს ის ხედავდა.
უცებ ამ ახალგაზრდამ, მოხუცებულს რომ არ შეემჩნია, საკუთარ საფულეზე თვალით ანიშნა ადმინისტრატორს, ისიც უცებ მიუხვდა გოგონას ჩანაფიქრს და მოხუცებულს გასასვლელ კართან დაეწია.

- ქალბატონო, ახლა ჩავხედე კომპიუტერს და იცით, თქვენთვის საინტერესო ამბავი გვაქვს: აღმოჩნდა, რომ თქვენ ამ წელს ჩვენი მე-100 კლიენტი ბრძანდებით, ამიტომ სალონი გჩუქნით მანიკიურის გაკეთებას, თავისი ლაქით და, ამასთანავე, ხელებისთვის პარაფინის თერაპიით.

ქალს მოულოდნელობისა და სიხარულისგან ცრემლით აევსო თვალები. უცებ მთელ სალონში სიკეთით სავსე, თბილი ატმოსფერო შეიქმნა.

გოგონას ეს კეთილი ჟესტი მხოლოდ 12 ლარი დაუჯდა, ამ სათნო ქალბატონს კი ნამდვილად სიცოცხლის ბოლომდე ემახსოვრება.
ალბათ, იმ საღამოს თავის ოჯახთან ან მეზობლებთან, ან - ჯერ კიდევ შემორჩენილ მეგობრებთან აუცილებლად მოყვებოდა იმას, თუ როგორ გაუმართლა დღეს და„შემთხვევით“ სალონის მე-100 კლიენტი აღმოჩნდა.

***
ასე რომ, 12 ლარადაც შეიძლება ადამიანს სასწაული მოუწყო, თუ გული გულობს და სიკეთის კეთება არ გეზარება.


სიახლეები ამავე კატეგორიიდან

რატომ არ სურდა უინსტონ ჩერჩილს ელის...

უინსტონ ჩერჩილი და
ელისაბედ მეორე

რატომ უთხრა უარი სიყვარულზე პეტრე ჩ...

ილია ჭავჭავაძე და საშა
ჩაიკოვსკაია

„მეგობარს ვუთხრა, რომ ქმარი ღალატობ...

როგორ მოვიქცეთ, თუ
გავიგეთ, რომ ახლობელ
ადამიანს ღალატობენ?

კაცი, რომელმაც ცოლის გამო საკუთარი...

იან აშერი

უნივერსიტეტის კედლებში ჩაყოლილი სიყ...

ივანე ჯავახიშვილი და
ანასტასია
ჯამბაკურ-ორბელიანი

„მანანა ვარ, იცოდეთ, სხვებში არ შეგ...

მანანა სარაჯიშვილის
ბავშვობის ფოტოები

რატომ არის მიტოვებული „ტიტანიკის“ ი...

პიტერ ვიდენერის სასახლე

ჭკვიანი ქალის 5 წესი

ჭკვიანი ქალის 5 წესი

გერინგი და გერინგის ძმა - რაიხსმარშ...

ჰერმან გერინგი და ალბერტ
გერინგი