ლიმონის ნამცხვარი „სოფი ლორენი“ - ნიგვზით, ქიშმიშით და მერინგით

ფხვიერი ცომისთვის საჭირო პროდუქტი:

• კვერცხის გული - 4 კვერცხი
• შაქარი - 0,5 ჭიქა
• კარაქი - 200 გრ
• ფქვილი - 2,5 ჭიქა
• სოდა-ძმრით -1/2 ჩაის კოვზი

შიგთავსისთვის საჭირო პროდუქტი:

• ლიმონი - 2 ცალი
• ქიშმიში - 100 გრ
• ნიგოზი - ერთი მუჭა
• კვერცხის ცილა - 4 კვერცხის
• შაქარი - 2 ჭიქა

მომზადების წესი:

1. კვერცხის გულები ცილებისგან გააცალკევეთ. გულები კარგად ათქვიფეთ შაქართან ერთად, სანამ მასა ორჯერ მეტი არ გახდება;

2. კვერცხის გულებს წინასწარ დარბილებული კარაქი დაამატეთ და კარგად აურიეთ. დაამატეთ ფქვილი და სოდა-ძმრით და ელასტიკური ცომი მოზილეთ;

3. ცომი საცხობ ფირფიტაზე გადაიტანეთ, ხელით კარგად გაასწორეთ და მაცივარში 20-30 წუთით შედგით;

4. სანამ ცომი ცივდება, შიგთავსი მოამზადეთ: ოთხი კვერცხის ცილა 1 ჭიქა შაქართან ერთად გამკვრივებამდე თქვიფეთ. ქიშმიში გარეცხეთ და გააშრეთ, ნიგოზი დაჭერით, ლიმონი ხორცსაკეპ მანქანაში გაატარეთ და 1 ჭიქა შაქარში აურიეთ.

5. ცომი მაცივრიდან გამოიღეთ და ლიმონის შიგთავსი წაუსვით. მოაყარეთ ქიშმიში და თხილი. წაუსვით მერინგი (ბეზე) და ზემოდან ნიგოზი მოაყარეთ;

6. ნამცხვარი 160 ⁰-ზე გახურებულ ღუმელში შედგით და 50 წუთი აცხვეთ.

სულ ეს არის!

შენიშვნა: სუფრასთან მიტანის წინ გირჩევთ, ნამცხვარი 40 წუთი გრილ ადგილას გააჩეროთ.

გემრიელად მიირთვით!