იცით თუ არა

არქეოლოგებმა გადაწყვიტეს, საიდუმლო სერობის მენიუ აღედგინათ

funtime

14:13 ხუთ. 29 აპრილი

საიდუმლო სერობა, და ვინჩი
14
დაკოპირებულია

კვლევა ორმა იტალიელმა არქეოლოგმა ჩაატარა, რომლებიც ბიბლიურ ტექსტებს, ებრაულ ხელნაწერებს, ძველ რომაულ ლიტერატურულ ძეგლებსა და არქეოლოგიურ მონაცემებს ეყრდნობოდნენ.

რაგუ პარკოსნებისგან, ცხვრის ხორცი, ზეთისხილი, მწარე ბალახეული, თევზის სოუსი, მაცა, ფინიკები და არომატიზებული ღვინო - აი, ის პროდუქტები, რომელიც შეიძლება იესო ქრისტესა და მისი მოწაფეების უკანასკნელი ტრაპეზის დროს მაგიდაზე ყოფილიყო.

ასეთ შედეგამდე მივიდნენ მეცნიერები ჩვენი წელთაღრიცხვის პირველი საუკუნის პალესტინის სამზარეულოს შესწავლისას.

„ბიბლიაში წერია, რაზე საუბრობდნენ სადილის დროს იესო და მისი მოციქულები, მაგრამ არაფერია ნათქვამი იმის შესახებ, რას მიირთმევდნენ“, - ამბობს არქეოლოგი, პროფესორი ჯენეროზო ურჩიოლე (Generoso Urciuoli).

კვლევის ამოსავალ წერტილად ურჩიოლესა და მისი დამხმარე მარტა ბერონგოსთვის იესოს ებრაელობა იქცა. მეცნიერებმა ივარაუდეს, რომ იესო ქრისტე და მოციქულები იცავდნენ ტრადიციებს, რომლებიც თორაში იყო დაფიქსირებული და რელიგიურ გასტრონომიულ შეზღუდვებს ეხებოდა.

მარკოზის სახარების მიხედვით, სადილი პასექის დღესასწაულზე გაიმართა, მაშინ როცა საპასექო ბატკანს სწირავდნენ, ამიტომაც, მეცნიერთა აზრით, სუფრაზე ცხვრის ხორცი აუცილებლად იქნებოდა.

და, რაღა თქმა უნდა, მენიუში შევიდოდა ხმიადი (უსაფუარო პური) და ღვინო, რომლებიც (პროდუქტებიდან ერთადერთი) პირდაპირ არის ნახსენები ბიბლიაში (შეგახსენებთ, სწორედ საიდუმლო სერობის დროს დაედო სათავე ქრისტიანული რელიგიის ერთ-ერთ მთავარი საიდუმლოს - ზიარებას).

ამას გარდა, ტრაპეზის მენიუში შეიძლება ყოფილიყო ჩოლენთი - ტრადიციული ებრაული კერძი მოთუშული ხორცით, ბოსტნეულით, ბურღულეულითა და ლობიოთი, ზეთისხილი, ბალახეული, ფინიკი, ასევე, ხილი და ნიგვზის პასტა.

უნდა აღინიშნოს, რომ ტრაპეზის მონაწილეები მაგიდასთან ისე არ ისხდნენ, როგორც ეს ლეონარდო და ვინჩის ცნობილ შედევრზეა გამოსახული.

ისინი ნახევრად წამოწოლილები იყვნენ იატაკზე გაშლილ ნოხებსა და ბალიშებზე, როგორც ამას რომაელები აკეთებდნენ. კერძები დაბალფეხიან მაგიდებზე თიხისა და ქვის ჭურჭლით ეწყო.


სიახლეები ამავე კატეგორიიდან

რატომ არ უნდა დატოვოთ აიფონი უყურად...

iphone-7

ბუშტულებიანი ცელოფანი Bubble Wrap -...

Bubble Wrap

რატომ არის პენტაგონში ნორმაზე ორჯერ...

პენტაგონის მშენებლობა

რატომ არ ამოსდით სიბრძნის კბილები მ...

მექსიკელები

რატომ მოქმედებს ალკოჰოლი სხვადასხვა...

ალკოჰოლი და იაპონელები

აშშ-ში მოქმედი კანონით, დაბადებით შ...

შშმ პირების პრობლემები

ამის წაკითხვის შემდეგ შესაძლოა, შოკ...

კაკაოს პლანტაციაში

როგორ იქცა 6 შვილის დედა მსოფლიოში...

იზაბელ გუდვინი, პირველი
გამომძიებელი ქალი
მსოფლიოში

8 მკაცრი აკრძალვა ისრაელის არმიის ჯ...

ისრაელის არმიის
ჯარისკაცებისთვის
დაწესებული აკრძალვები