დღეგრძელობის კოდი - როგორ მივხვდეთ ადამიანი დიდხანს იცოცხლებს თუ არა?

დაბადება

თუ ადამიანი ოჯახში ერთადერთი ბავშვი არ არის, უნდა გავიგოთ მერამდენე შვილია. საქმე ისაა, რომ ქრონიკული დაავადებები უფროს შვილებს მეტად უვლინდებათ, ვიდრე შუათანა და უმცროს შვილებს.
შესაბამისად, ნაბოლარას მეტი შანსი აქვს, რომ ხანდაზმულობამდე მიაღწიოს, ვიდრე უფროსს.

ხელის ჩამორთმევა

ყურადღება მიაქციეთ, ადამიანი მისალმების დროს ხელს ხელზე მაგრად უჭერს თუ არა. თუ ხელს მაგრად გიჭერთ, დიდი ალბათობით ცხოვრებიდან ადრე არ წავა.

თმის ცვენა

ალოპეცია კარგის ნიშანი არასოდესაა. თუ ადამიანი თმის საფარს სწრაფად კარგავს და მელოტდება, იზრდება რისკი, რომ გულის პრობლემები ექნება. ადამიანს, რომელსაც ხშირი და ჯანმრთელი თმა მიჰყვება, მეტი შანსი აქვს, რომ დღეგრძელთა რიგებს შეუერთდეს.

რელიგია

მეცნიერებმა ვერ განმარტეს, ასე რატომ ხდება, მაგრამ სიცოცხლის ხანგრძლივობასა და რელიგიურობას შორის კავშირი დაადასტურეს. თუ ადამიანი ეკლესიაში რეგულარულად დადის, ის ბევრად უფრო დიდხანს ცოცხლობს, ვიდრე ის, ვინც ამას არ აკეთებს. ღმერთის რწმენა არა მხოლოდ მარადიულ სიცოცხლეს გვპირდება, არამედ სიცოცხლესაც გვიხანგრძლივებს.

საჩვენებელი თითის სიგრძე

A) ადამიანები, რომლებსაც საჩვენებელი თითი არათითზე უფრო გრძელი აქვთ, დაავადებების მიმართ უფრო მაღალი რისკის წინაშე დგანან.

B) თუ თუ საჩვენებელი თითი არათითზე მოკლეა, დიდი ალბათობით, ადამიანს სერიოზული დაავადება არ ემუქრება და ხანგრძლივი სიცოცხლის მეტი შანსი აქვს.

დაბოლოს, უმნიშვნელოვანესი ფაქტორია განწყობა. როდესაც ადამიანი მომავალს იმედით შეჰყურებს, ბედნიერებისთვის მცირე მიზეზიც ჰყოფნის და ყოველი დილის გათენება ახარებს, დღეგრძელობის მეტი შანსი აქვს.