ესპანეთში ზღვაში მოშარდვისთვის ჯარიმა 300 ევროდან 750 ევრომდე იზრდება

fun time

19:49 შაბ. 6 ივლისი, 2024 წელი

დაკოპირებულია

ესპანეთი ევროპის სამხრეთში, პირენეის ნახევარკუნძულზე მდებარე სახელმწიფოა, რომელსაც დასავლეთიდან და ჩრდილოეთიდან ატლანტის ოკეანე, სამხრეთიდან და აღმოსავლეთიდან კი ხმელთაშუა ზღვა ესაზღვრება. ტურიზმი ამ ქვეყნის ეკონომიკის ხერხემალია.

კორიდისა და ფლამენგოს სამშობლოში ყოველწლიურად 82 მილიონამდე ტურისტი ჩადის, რომ საერთაშორისო სტანდარტის ქვიშის პლაჟებზე გაირუჯოს და კამკამა ზღვით ისიამოვნოს. მეტი ტურისტის მოზიდვის მიზნით ესპანეთის ხელისუფლებამ გადაწყვიტა, რომ ზღვის წყალი უფრო სუფთა და კამკამა გახადოს და ზღვაში მოშარდვისთვის ჯარიმა 300 ევროდან 750 ევრომდე გაზარდოს. მედია არ აკონკრეტებს, როგორ გამოავლენენ მორიგე მაშველები წესების დამრღვევებს.

ჯარიმა მალაგას მუნიციპალიტეტის 25 პლაჟზე ამოქმედდება. საკრებულომ ინიციატივა უკვე დაამტკიცა, მაგრამ კანონის ოფიციალურად მიღებამდე მან საჯარო განხილვა უნდა გაიაროს - იუწყება The Independent.

ამის გარდა, უსაფრთხოების ზომების გაძლიერებისთვის, ხელისუფლება აპირებს წყალში ბურთებით თამაში და წინასწარი თანხმობის გარეშე სანაპიროზე ქოლგებით წვეულებების მოწყობა აკრძალოს.

მალაგას საქალაქო საბჭომ 21 ივნისს დაამტკიცა სპეციალური გეგმა, რომელიც მიზნად ზაფხულის სეზონზე ტურისტების დიდი ნაკადის შედეგად კურორტისთვის მიყენებული ზიანის შემცირებას ისახავს.