კორონავირუსით გარდაცვლილი ქალი გულის გაჩერებიდან რამდენიმე წუთში გაცოცხლდა

ყველაფერი იმით დაიწყო, რომ 82 წლის ამერიკელი დეკემბრის შუა რიცხვებში მეზობლისგან კორონავირუსით დაინფიცირდა. მალე ლეის სუნთქვის პრობლემები შეექმნა და 20 დეკემბერს საავადმყოფოში მოათავსეს. ორი დღის შემდეგ ექიმებმა რეანიმაციულ განყოფილებაში მყოფი ქალი გარდაცვლილი გამოაცხადეს.

საავადმყოფომ ქალის გარდაცვალების შესახებ პირველად მის ექიმ ქმარს, ტომის აცნობა, რომელმაც სამწუხარო სიახლე დანარჩენ ნათესავებს შეატყობინა.

რამდენიმე წუთის შემდეგ ტომის საავადმყოფოდან ისევ დაურეკეს და შეატყობინეს, რომ მის ცოლს პულსაცია აღუდგა. „როგორც ექიმს, შემიძლია ვთქვა, რომ რაც მოხდა სასწაულია“ - განაცხადა ტომიმ.

მამაკაცის თქმით, ამ დღემდე ვერ აცნობიერებდა, რამდენად ძლიერად უყვარდა ცოლი. „ბედნიერებისგან ვტიროდი. ერთ წუთში განადგურებული ადამიანისგან უბედნიერეს ადამიანად ვიქეცი,“ - აღიარა მან.

ყოფილი „მის ვირჯინია“ რეანიმაციიდან ჩვეულებრივ პალატაში გადაიყვანეს, მაგრამ მომხდარის შესახებ ჯერ არაფერი იცის. ოჯახის წევრები და ნათესავები ფიქრობენ, მისი სასწაულებრივი გაცოცხლების შესახებ როგორ აცნობონ.

წყარო: www.dailymail.co.uk