მიწისძვრა, რომელსაც დედამიწის ღერძის გადახრა და დღის ხანგრძლივობის შემცირება მოჰყვა

2011 წლის 11 მარტს იაპონიის ქალაქ სენდაიში 9.0 მაგნიტუდის სიმძლავრის მიწისძვრა მოხდა, რასაც საათ-ნახევრის შემდეგ დამანგრეველი ცუნამი მოჰყვა.

მთლიანად, მიწისძვრისა და ცუნამის შედეგად, იაპონიაში 15 000-ზე მეტი ადამიანი დაიღუპა და 160 000-ზე მეტი უსახლკაროდ დარჩა!

მეცნიერების დასკვნით, სტიქიურ უბედურებას დედამიწის ღერძის ოდნავ გადახრა, დღის ხანგრძლივობის წამის მემილიონედით შემცირება და იაპონიის ამერიკასთან რამდენიმე მეტრით დაახლოება მოჰყვა, რასაც ადასტურებს მიწისძვრის ეპიცენტრთან მდებარე გლობალური დაკვირვების სადგურების 4 მეტრით გადაადგილება აღმოსავლეთის მიმართულებით.

არსებობს ვარაუდი, რომ 11 მარტის მიწისძვრა დედამიწისა და მთვარის უჩვეულოდ ძლიერმა დაახლოებამ გამოიწვია, რასაც გარკვეული საფუძველი აქვს.

მკვლევარების თქმით, დედამიწაზე მთვარის გრავიტაციულმა მოქმედებამ შესაძლოა, ზოგიერთ შემთხვევაში ოკეანეში მიწისძვრები გამოიწვიოს და წყლის სიმაღლემ რამდენიმე მეტრს მიაღწიოს.

ჩილეში, სუმატრაზე და ჰაიტიზე მომხდარ უძლიერეს მიწისძვრებზე დაკვირვების შედეგად, მოხერხდა ე.წ. მოქცევის ფაქტორის გამოვლენა. საქმე ის გახლავთ, რომ ეს მიწისძვრები ხმელეთზე კი არა, ოკეანეში მოხდა, რაც უზარმაზარი ტალღების ამოქმედების მექანიზმად იქცა.

სპეციალისტები აქტიურად მსჯელობდნენ ამ მიწისძვრის მიზეზებზე. ერთ-ერთ მნიშვნელოვან ფაქტორად მთვარის მაქსიმალურ მოახლოებას განიხილავდნენ, რომელსაც 19 მარტს ელოდებოდნენ.

ეს კატასტროფული მიწისძვრა მთვარის მოქცევამდე ერთი კვირით ადრე მოხდა.

2011 წლის 11 მარტის მიწისძვრა იაპონიაში ბოლო 140 წლის მანძილზე მომხდარ მიწისძვრათა შორის უდიდესია. მსოფლიო ბანკის მონაცემებით, კატასტროფამ იაპონიის ეკონომიკა 235 მილიარდი დოლარით დააზარალა, რაც მსოფლიო კატასტროფების ისტორიაში ყველაზე დიდ ფინანსურ ზარალად მიიჩნევა.

p.s. ამ კატასტროფიდან 6 თვეში ასე „დაალაგეს“ იქაურობა: ფოტოებზე ხედავთ კატასტროფის დღეს, 3 თვის შემდეგ არსებულ სიტუაციას, 6 თვის შემდეგ „დალაგებულ“ შედეგს!