რას მოასწავებს დედამიწაზე ტბების რაოდენობა მკვეთრად გაზრდა? - საგანგაშო დასკვნა

სამეცნიერო ნაშრომის ავტორებმა მსოფლიოში დღეისთვის არსებული 3,4 მილიონი ტბის ყველაზე ზუსტი რუკა შეადგინეს და სატელიტური ფოტოების დახმარებით მათი განვითარება შეისწავლეს.

საჭირო გახდა დიდი ოდენობით ინფორმაციის ანალიზი, ამიტომ კვლევაში ხელოვნური ინტელექტი ჩართეს.

კვლევის შედეგების თანახმად:

1984 წლიდან 2019 წლამდე, დედამიწაზე ტბების საერთო ფართობი 46000 კვადრატული კილომეტრით გაიზარდა.

ცნობისთვის, ეს დანიის ფართობზე მეტია.

მეცნიერებმა განაცხადეს, რომ ტბები „სწრაფ და სერიოზულ ცვლილებებს განიცდიან“, რამაც შეიძლება პლანეტის ნახშირბადის მთელ ციკლზე გავლენა მოახდინოს.

როგორც ირკვევა, წყლსატევების ფსკერზე მკვდარი თევზებისა და მცენარეებისგან შემდგარი ორგანული ნივთიერებები გროვდება.

ბაქტერიები და სოკოები, რომლებიც ამ ნივთიერებებით იკვებებიან, უზარმაზარ რაოდენობას ნახშირორჟანგს, მეთანს, აზოტის ოქსიდს და სხვა ნაერთებს გამოყოფენ. ამ უწყვეტი პროცესის გამო ტბები სათბურის აირების წარმოებად იქცევა.

გამოთვლის თანახმად, ტბების მიერ გამოყოფილი სათბურის აირები დედამიწის ატმოსფეროში გამოყოფილი CO2 სულ მცირე 20%-ს შეადგენენ!

1984-2019 წლებში ტბებიდან CO2 ემისიის წლიურმა ზრდამ 4,8 მილიონი ტონა ნახშირბადი შეადგინა. კლიმატის დთბობასთან ერთად, CO2 გამონაბოლქვი კიდევ უფრო გაიზრდება.

1984 წლიდან მოყოლებული, დედამიწაზე უამრავი პატარა ტბა გაჩნდა, რომლის ფართობი ერთ კვადრატულ კილომეტრზე ნაკლებია. მიუხედავად პატარა ზომებისა, ასეთი ტბები სათბურის აირების ყველაზე დიდ რაოდენობას გამოყოფენ. თავად განსაჯეთ - მათ მსოფლიოში ტბების მთლიანი ფართობის მხოლოდ 15% უჭირავთ, მაგრამ მათ ანგარიშზეა CO2-ის ემისიების 25%-ს და მეთანის ემისიების 37%-ს.

მეცნიერების განმარტებით, ასეთი პატარა ტბები დიდებთან შედარებით, გაცილებით მეტ ორგანულ ნივთიერებას აგროვებენ და შესაბამისად, ატმოსფეროში გატყორცნიან.

დანიელმა მეცნიერებმა პატარა ტბების რაოდენობის ზრდის მიზეზიც გაარკვიეს. ერთ-ერთი მიზეზი ადამიანია, რომელიც ბოლო დროს ხელოვნური წყალსატევების შენებამ ძალიან გაიტაცა, მეორე მიზეზი კი მყინვარების დნობაა.

ასევე, საინტერესოა:

ტბა კივუ - შენელებული მოქმედების ნაღმი დედამიწაზე!

იდუმალი ტბა, საიდანაც წყლის წაღება შეუძლებელია

წყარო: www.natureworldnews.com