რატომ ატარებენ ებრაელები პატარა ქუდს?

თავდაპირველად, ებრაელების ქუდი ღმერთთან კონტაქტის სიმბოლოდ მიიჩნეოდა. უფლის მსახურება (ლოცვა, კურთხევა, თორას შესწავლა) მხოლოდ თავსაბურავით ხდებოდა.

მოგვიანებით, ზოგიერთმა ებრაელმა საერთოდ უარი თქვა კიპას მოხსნაზე.

ამით ებრაელები იმის დემონსტრირებას ახდენენ, რომ მათი ყოველი ქმედება ღვთის მსახურებისკენაა მიმართული, უფლის არსებობას აღიარებენ და მას საკუთარ თავზე მეტად აფასებენ, როცა სხეულის ყველაზე მნიშვნელოვანი და განვითარებული ნაწილით კიპას ატარებენ.

ისე კი, ვერც თორაში და ვერც თალმუდში ვერ ამოიკითხავთ, რომ მორწმუნემ ქუდი უნდა ატაროს. ეს ტრადიცია ებრაელებმა თავად შექმნეს.

ქრისტიანი მამაკაცები ღმერთის მიმართ მორჩილებას ქუდის მოხდით გამოხატავენ, იუდეველები კი პირიქით, თავზე კიპას დადებით აღიარებენ.

ორთოდოქსი ებრაელები კიპას მუდმივად ატარებენ, კონსერვატორები - მხოლოდ სინაგოგაში შესვლისა და საკვების მიღების დროს, ხოლო თანამედროვე, რეფორმატორი ებრაელები საერთოდ არ მიიჩნევენ რწმენის ატრიბუტად.

იმის მიუხედავად, რომ ებრაელი ქალები კიპას არ ატარებენ, ისინი თავიანთ რელიგიის მიმართ პატივისცემას თავსაფრის ან, გათხოვების, შემდეგ პარიკის ტარებით გამოხატავენ. ებრაული წესებით, მიიჩნევა, რომ გათხოვილი ებრაელის თმა მხოლოდ მეუღლემ უნდა ნახოს.

კიპები ერთმანეთისგან ფერით, ზომით, ფორმითა და მასალით განსხვავდება. ამის მიხედვით შეიძლება განსაზღვროთ, მისი პატრონი იუდაიზმის რომელ მიმდინარეობას განეკუთვნება. მაგალითად, ჰასიდები კიპას ცილინდრის ან ბეწვის ქუდის ქვეშ ატარებენ, რომლის წარმოშობის ისტორია და მნიშვნელობა ცალკე კვლევის საგანია.

🔰:

რატომ წერენ ებრაელები მარჯვნიდან მარცხნივ?

ებრაული ქორწილი - სიყვარულის 4 მთავარი პრინციპი