ბროწეულის ქერქი ოთახის მცენარეების მოსავლელად

ბროწეულის ქერქი შეიცავს

ნივთიერებებს, რომლებიც მავნებლებს აფრთხობს. მაგალითად, ალკალოიდებს, რომლებისაც ნიადაგის ნემატოდებს ცეცხლივით ეშინიათ.

ტანინებს, რომლებიც მცენარეთა დაავადებების გამომწვევ ბაქტერიებს და ფიტოპათოგენურ სოკოს სპობენ.

ისეთ მიკროელემენტებს, როგორიცაა სელენი, მანგანუმი, ფოსფორი, მაგნიუმი, კალიუმი, რკინა, კობალტი, სელენი და ა.შ.

ურსოლის მჟავას, რომელსაც მკვეთრად გამოხატული ანტიბაქტერიული ეფექტი აქვს.

B, C, E და PP ვიტამინებს.

ბროწეულის ქერქის ნაყენის მომზადება

მცენარეების მოსავლელად ბროწეულის ქერქის ნაყენის მომზადება ადვილია. ერთი დიდი ბროწეულის ქერქს დაასხით ერთი ლიტრი თბილი წყალი (არა მდუღარე!) და კონტეინერი ორი დღით ბნელ ადგილას მოათავსეთ.

მზა ნაყენი გადაწურეთ და მცენარეები მორწყეთ - თითოეულ მცენარეს 3-4 სუფრის კოვზი ნაყენი უნდა დაუსხათ.

ბროწეულის ქერქისგან მცენარეების მოვლის საშუალების დამზადება სხვა გზითაც შეიძლება - ქერქები კარგად უნდა გააშროთ და ყავის საფქვავში დაფქვათ. დაფქული ბროწეულის კანი თავდახურულ ქილაში შეინახეთ და მცენარეთა კვებისა და პროფილაქტიკისთვის გამოიყენეთ.

მცენარის დარგვის ან გადარგვის დროს ნიადაგის ყოველ ლიტრზე 2 სუფრის კოვზი ქერქის ფხვნილი დაამატეთ.

ბროწეულის ქერქის ფხვნილით შეგიძლიათ სამკურნალო ნაყენიც მოამზადოთ - ერთ ლიტრ თბილ წყალში ჩაყარეთ 2-3 სუფრის კოვზი ბროწეულის ქერქის ფხვნილი, ორი დღით ბნელ ადგილას გააჩერეთ და შემდეგ მცენარეები მორწყეთ.

ბროწეულის ქერქზე დამზადებული სასუქები ძალიან სასარგებლოა, როდესაც მცენარე ზრდას ან ყვავილობას წყვეტს. ასეთი სასუქების შედეგები სწრაფად ჩანს.

***

ბროწეულის სარგებელი - ეს, შესაძლოა, აქამდე არ გსმენიათ

ჩრდილის ამტანი მცენარეები - თუ თქვენს ფანჯრებში მზის შუქი არ შემოდის