რატომ დასაჯეს ინგლისელებმა ცილინდრის გამომგონებელი?

თავისი ნამუშევრით აღფრთოვანებულმა გამომგონებელმა, რეკლამირების მიზნით, ინგლისის ქუჩებში ცილინდრით გასეირნება გადაწყვიტა, თუმცა ლონდონის ქუჩებში მისი გამოჩენისას წარმოუდგენელი რამ მომხდარა:

ჰატერინგტონის თავზე დადგმული კონსტრუქციის დანახვისას ქუჩაში რამდენიმე მანდილოსანს გული წასვლია, ბავშვებს ტირილი დაუწყიათ, ძაღლებს ყეფა აუტეხავთ. გადმოცემის თანახმად, დაძაბულობამ კულმინაციას მიაღწია, როცა გაქცეულმა ადამიანებმა ზედახორა შექმნეს, შედეგად კი რამდენიმე დაშავდა და პატარა ბიჭუნას ხელი მოსტყდა.

უიღბლო გამომგონებელი პოლიციამ დააპატიმრა და, მაღალი, პრიალა კონსტრუქციის უკანონოდ ტარებისა და ადამიანების დაშინების ბრალდებით, სასამართლოს გადასცა.

საბოლოოდ, ჰატერინგტონს 50-ფუნტიანი ჯარიმის გადახდა დააკისრეს, რაც იმ დროისთვის უზარმაზარი თანხა იყო.
ამ შემთხვევიდან ერთი თვის შემდეგ კი ჰატერინგტონმა იმდენი ცილინდრის შეკვეთა მიიღო, რომ კერვას ვეღარ აუდიოდა.
1820 წლისთვის ცილინდრი საზოგადოებაში მაღალი მდგომარეობისა და არისტოკრატიის სიმბოლოდ და ყველაზე პოპულარულ თავსაბურავად იქცა.