რატომ ყიდულობენ უდაბნოს ქვეყნები ქვიშას ევროპაში?

საქმე ისაა, რომ უდაბნოს ქვიშა მეტისმეტად ფანტიაა და სრულიად შეუფერებელია სამშენებლო სამუშაოებისთვის. მისი მარცვლები ძალიან გლუვია და თანამედროვე კონსტრუქციების შესაქმნელად არ გამოიყენება. ასეთ ქვიშით მომზადებული ბეტონის გამოყენება საძირკვლისა და კედლების მშენებლობისთვის დაუშვებელია.

ზემოთ ხსენებული მიზეზის გამო, უდაბნოზე მდგარი ბევრი სახელმწიფო იძულებულია, რომ ეს ერთი შეხედვით ხელმისაწვდომი და უბრალო სამშენებლო მასალა სხვა სახელმწიფოში შეიძინოს.

საკითხის უკეთ გასაგებად, აღვნიშნავთ, რომ მყარი ქანების (მდინარის, ზღვის კარიერი) დაშლის შედეგად წარმოქმნილ ქვიშას 0,16-4,5 მმ დიამეტრის მარცვლები აქვს. უდაბნოს ქვიშის მარცვლების დიამეტრი კი 0,05-0,25 მმ. არ აღემატება. ის სამჯერ უფრო წვრილი და მსუბუქია ვიდრე კარიერის ქვიშა. აღსანიშნავია, რომ სწორედ ეს აძლევს ბუნებას საშუალებას, რომ უდაბნოებში ქვიშის ქარიშხალები მოაწყოს.

აფრიკა და არაბეთის ნახევარკუნძული ქვიშას თითქმის მთელ მსოფლიოში ყიდულობს - ევროპიდან დაწყებული, ავსტრალიით დამთავრებული.

ქვიშის გადაზიდვა სპეციალური ბარჟებით ხდება. ქვიშით ვაჭრობა იმდენად სერიოზული ბიზნესია, რომ ქვიშით სავსე გემების გატაცებაც კი იშვიათობას არ წარმოადგენს.