უცნაური ნოსტრადამუსი - 5 ფაქტი დიდი წინასწარმეტყველის ცხოვრებიდან

1. ნოსტრადამუსის ერთადერთი პორტრეტი არსებობს და ის წინასწარმეტყველის ვაჟის ცეზარის შექმნილია.

2. ნოსტრადამუსი უზარმაზარი ქონების მფლობელი იყო. 21-ე საუკუნეში რომ ეცხოვრა, ის „ფორბსის“ სიის სათავეში იქნებოდა, მაგრამ როგორ მოახერხა გამდიდრება, არავინ იცის. წინასწარმეტყველი ამ საიდუმლოს ოჯახის წევრებსაც კი არ უმხელდა.

თუმცა საინტერესოა ერთი ფაქტი:
ნოსტრადამუსი თავის ნაწერებში ხშირად ახსენებდა საიდუმლო საზოგადოებას, რომლის წევრები როზენკრეისელები და ტამპლიერები იყვნენ. მათი მიზანი იდეალური სახელმწიფოს შექმნა იყო. იმ დროს ნოსტრადამუსი ტამპლიერთა ორდენის ხელმძღვანელთან მეგობრობდა, რომელიც 1547 წელს სიკვდილით დასაჯეს. სწორედ ამ ამბების შემდეგ გამდიდრებულა წინასწწარმეტყველი.

იმის გარდა, რომ პროვანსში სასტუმროს ფლობდა, ნოსტრადამუსის ალმანახებს სოლიდური და სტაბილური შემოსავალი მოჰქონდა. წინასწარმეტყველი საქველმოქმედო საქმიანობასაც კი ეწეოდა და ახალგაზრდა ინჟინერ ადამ დე კრაპონს აფინანსებსდა, რომელმაც კროს სტეპი სამოთხის ველად აქცია.

3. ნოსტრადამუსის კატრენების გაშიფვრა ძალიან რთულია, რადგან ისინი სხვადასხვა ენაზეა დაწერილი: მათ შორის ძველ ფრანგულ, ლათინურ, პროვანსულ, ძველ ებრაულ და არაბულ ენაზეც კი.

წინასწარმეტყელების გასაშიფრად მკვლევარებს უკვე ნათარგმნი ტექსტებით ხელმძღვანელობა უწევთ, რადგან ტექსტების დამოუკიდებლად თარგმნა შეუძლებელია. თანამედროვე მსოფლიოში ძველი ფრანგული ენის ექსპერტები თითებზე ჩამოსათვლელია. გარდა ამისა, გასათვალისწინებელია ანაგრამები, არქაიზმები და შემოკლებული სიტყვები, რომლებსაც ნოსტრადამუსმა თავის ნაწერებში იყენებდა.

4. ნოსტრადამუსის ცხოვრების ერთ-ერთმა მკვლევარმა აღმოაჩინა, რომ წინასწარმეტყველს საფრანგეთის საზღვრებს მიღმა, მთელ ევროპაში იცნობდნენ და... სძულდათ. მას აკრიტიკებდნენ ინტელექტუალები, უბრალო ადამიანები, ასტროლოგები, სასულიერო პირები, პოლიტიკოსები და მეცნიერები.

ნოსტრადამუსს აბრალებდნენ შარლატანობას, ეშმაკეულთან კავშირს, ადამიანების გონების გახრწნას და ალკოჰოლიზმსაც კი. ერთხელ კინაღამ მეამბოხე გლეხების მსხვერპლი გახდა - ისინი წინასწარმეტყველს ფარულ ლუთერანობაში ადანაშაულებდნენ.

5. ნოსტრადამუსის ცხოვრებაზე არანაკლებ უცნაური იყო მისი გარდაცვალება. 1566 წლის 17 ივნისს ნოსტრადამუსმა ანდერძი შეადგინა, 2 ივლის კი გარდაიცვალა.

ანდერძის თანახმად, ნოსტრადამუსი სალონის კორდელიეს ეკლესიის კედელში, ვერტიკალურ მდგომარეობაში დაკრძალეს. ამ ფაქტს თავად ნოსტრადამუსის სიტყვებით ხსნიდნენ, რომელიც თავის შეურაცხმყოფელებს მიმართავდა: „მომშორდით ნაძირალებო! თქვენ ვერასოდეს შეძლებთ ფეხი დამაბიჯოთ, ვერც ახლა და ვერც ჩემი სიკვდილის შემდეგ.“