ქართული კერძები

პრასი იმერულად - გვასწავლიან პროფესიონალები

fun time

11:32 სამ. 20 ივლისი, 2021 წელი

პრასის ფხალი
14
დაკოპირებულია

თუკი პრასის ფხალი თქვენც გიყვართ, ეს რეცეპტი სცადეთ - იმერულად მომზადებას გამოცდილი მზარეული დავით გიორგბერიძე გვასწავლის.

პრასის მოსამზადებლად საჭიროა:

  • პრასი - 2 კგ;
  • ნიგოზი - 300 გრ;
  • უცხო სუნელი - ნახევარი ჩ/კ;
  • ყვითელი ყვავილი - ნახევარი ჩ/კ.
  • ქინძი - 100 გრ;
  • ნიორი - 5 კბილი;
  • მარილი, წიწაკა და ძმარი - გემოვნებით.


პრასის მომზადების წესი:

გარჩეული და კარგად გარეცხილი პრასი მოათავსეთ მოზრდილ ქვაბში, დაასხით წყალი და დადგით გაზქურაზე მოსახარშად.

როგორც კი მოიხარშება, დაელოდეთ შეგრილებამდე, შემდეგ ხელით კარგად გაწურეთ და გაწურული გუნდები ცალკე ჯამზე გადაიტანეთ.

ახლა შეგემებას შეუდექით: გაწურული პრასი დაჭერით წვრილად. დაამატეთ გატარებული ნიგოზი, დაჭყლეტილი ნიორი, უცხო სუნელი, წვრილად დაჭრილი ქინძი, ყვითელი ყვავილი, ცოტაოდენი წიწაკა და მარილი.
მოასხით ოდნავ ძმარი.

ბოლოს ერთმანეთში კარგად გადაურიეთ და კერძი მზადაა.

თუ არ დაგეზარებათ, გამოაცხვეთ მჭადებიც. ცხელი მჭადი და პრაზი ნიგვზით სასწაული კომბინაციაა!

შენიშვნა:

ნიგვზიანი პრასის ფხალი შეგიძლიათ, ბროწეულის მარცვლებით გააფორმოთ;
უკვე გამზადებულ ფხალს შეგიძლიათ, მრგვალი ფორმა მისცეთ, შუაში კი ნიგვზის ზეთი ჩაასხათ.
პრასი ნიგვზით, დაახლოებით, 30 წუთში მზადდება.

გემრიელად მიირთვით!


სიახლეები ამავე კატეგორიიდან

ქილების სტერილიზაცია ღუმელში

ქილების სტერილიზაცია
ღუმელში

ყურძნის წვენის შენახვა ზამთრისთვის

ყურძნის წვენის შენახვა
ზამთრისთვის

მწვანე ლობიო კვერცხით - სწრაფად მოს...

მწვანე ლობიო კვერცხით

როგორ შევღებოთ და გავაფორმოთ სააღდგ...

კვერცხის შღებვა

ქათმის ფილე არაჟნით

ქათმის ფილე არაჟნით

როგორ მზადდება აფხაზურა

როგორ მზადდება აფხაზურა

ხბოს ხორცის სალათი - ნოყიერი და გემ...

ხბოს სალათა

მწვანე პომიდორი ბებიების რეცეპტით

მწვანე პომიდორი

ბოლოკის „ჩიფსები“ - სასუსნავი მათთვ...

ბოლოკის ჩიფსები