ამერიკელმა მეცნიერებმა შექმნეს აბი, რომელსაც სპორტდარბაზის ჩანაცვლება შეუძლია

თუ ფიქრობთ, რომ პრეპარატი ზარმაცი სპორტსმენების დასახმარებლად შეიქმნა, ცდებით. მისი მიზანი კუნთების ატროფიისა და ნეიროდეგენერაციული დაავადებების მკურნალობა გახლავთ.

***

სენტ-ლუისში, ვაშინგტონის უნივერსიტეტის ვებგვერდმა საზოგადოებას უნივერსიტეტის მედიცინის სკოლის მკვლევართა მიღწევების შესახებ ამცნო.

სწორედ მათ მოიფიქრეს როგორ შეიძლება ფიზიკური აქტივობის აბებით ჩანაცვლება და ამ გზით ვარჯიშის ეფექტის მიღება (მეტაბოლიზმის გაუმჯობესება, კუნთების ტონუსის და უჯრედების ზრდა).

ამერიკელი მეცნიერების შექმნილი პრეპარატი ამ ეფექტების იმიტაციას ახდენს, ეს კი ადამიანებს, რომლებსაც სიბერე ან ავადმყოფობა ფიზიკურ აქტივობაში ხელს უშლის, ძალიან დაეხმარება.

***

ახალ პრეპარატს კიდევ ერთი სასარგებლო თვისება აქვს, რაც ზოგი მედიკამენტის ნეგატიური ეფექტის წინააღმდეგ ბრძოლის უნარში გამოიხატება.

ფიზიკური აქტივობა და სპორტული ვარჯიში მეტაბოლურ ცვლილებებს იწვევს, რაც განსაკუთრებული ცილების გააქტიურებით იწყება. ამავე დროს, ეს ცილები ცნობილია როგორც ესტროგენთან დაკავშირებული რეცეპტორები - ERR, რომლებიც სამ ფორმატში: ERRα, ERRβ და ERRγ არსებობს.

ამერიკელი მკვლევრების მიერ შემუშავებული ნაერთები SLU-PP-332, სამივე ფორმატს ააქტიურებს.

თაგვებზე ჩატარებულმა ექსპერიმენტებმა აჩვენა, რომ ნაერთი დაღლილობის მიმართ მდგრადი კუნთების ბოჭკოების ზრდას ასტიმულირებს და ვარჯიშის დროს ამტანობას აძლიერებს.

ERR რეცეპტორების მუშაობა ასევე ებრძვის ალცჰაიმერის, დემენციის და სხვა ნეიროდეგენერაციული პათოლოგიების მქონე პაციენტების ტვინში მიმდინარე პროცესებს.

ესეც საინტერესოა:

„კრემლის კაფსულა“ - თაღლითობა თუ „უკვდავების წამალი“?

როგორ აყუჩებდნენ ტკივილს ანესთეზიის გამოგონებამდე?

ახალი აღმოჩენა - კბილების ამოსვლა ნებისმიერ ასაკში შესაძლებელია

წყარო: www.acs.org