მსოფლიოს ყველაზე იაფი და ძვირი ქვეყნები 2022 წლისთვის
18:31 შაბ. 22 იანვარი, 2022 წელი
მიუხედავად იმისა, რომ მსოფლიოში კორონავირუსის პანდემიით გამოწვეული ეკონომიკური კრიზისია, არსებობს ქვეყნები, სადაც ცხოვრება დღესაც ძალიან იაფია. მსოფლიოს უდიდესი მონაცემთა ბაზა ცხოვრების ღირებულების შესახებ Numbeo აქვეყნებს კვლევას, რომელიც მსოფლიოს 139 ქვეყანას მოიცავს.
ანალიტიკოსებმა თითოეული ქვეყანა რამდენიმე პარამეტრის მიხედვით შეაფასეს, რომლებიც მოიცავს: სამომხმარებლო ფასებს (საკვები, რესტორნები, ტრანსპორტი), საცხოვრებლის ქირას, საკვების ფასებს და მოსახლეობის მსყიდველობითუნარიანობას.
კვლევის თანახმად:
საცხოვრებლად 10 ყველაზე ძვირი ქვეყანაა
1. ბერმუდის კუნძულები
2. შვეიცარია
3. ნორვეგია
4. ისლანდია
5. ბარბადოსი
6. ჯერზი (დიდი ბრიტანეთის გვირგვინის მიწა ლა-მანშის სრუტეში)
7. ისრაელი
8. დანია
9. ბაჰამის კუნძულები
10. სინგაპური.
ცხოვრების სიძვირის მიხედვით, Numbeo-ს სიაში Cost of Living Index by Country 2022, საქართველო 125-ე ადგილზეა - ჩვენს ქვეყანაში უფრო ძვირია ცხოვრება, ვიდრე აზერბაიჯანში, ეგვიპტეში სირიაში, ყაზახეთში და კიდევ ქვემოთ ჩამოთვლილ ქვეყნებში:
საცხოვრებლად ყველაზე იაფი 10 ქვეყანაა
130. თურქეთი
131. ნეპალი
132. ტუნისი
133. უზბეკეთი
134. კოსოვო
135. ალჟირი
136. კოლუმბია
137. ინდოეთი
138. ავღანეთი
139. პაკისტანი
გარკვეულ პარამეტრებში სხვადასხვა ქვეყანა ლიდერობს. მაგალითად:
იჯარა და ბინის ქირა - ყველაზე ძვირია ბერმუდის კუნძულებზე, ჰონგ კონგში და სინგაპურში, ხოლო ყველაზე იაფი ავღანეთში, პაკისტანში და ნეპალში;
საკვები პროდუქტების ფასი - ყველაზე ძვირია ბერმუდის კუნძულებზე, შვეიცარიასა და ნორვეგიაში, ხოლო ყველაზე იაფი ავღანეთში, პაკისტანსა და თურქეთში;
რესტორანში სადილობა - ყველაზე ძვირია ისევ და ისევ ბერმუდის კუნძულებზე, შვეიცარიასა და ნორვეგიაში, ხოლო ყველაზე იაფი ავღანეთში, ალჟირსა და პაკისტანში;
აღსანიშნავია, რომ თურქეთში ცხოვრება, როგორც ზემოთ ნახეთ, უფრო იაფია, ვიდრე საქართველოში!
სიახლეები ამავე კატეგორიიდან