რა საიდუმლოს მალავს მსოფლიოს ყველაზე განმარტოებული სახლი?

უცნაური მდებარეობის გამო ეს ადგილი ყოველთვის ინტერესს იწვევდა. ვარაუდობენ, რომ ის საუკუნეზე მეტი ხნის წინ, პირველი მსოფლიო ომის დროს აშენდა. ერთ-ერთი ვერსიით, სახლი იტალიელმა ჯარისკაცებმა ააშენეს, რომ თავის შესაფარებელი და საბრძოლო მასალების შესანახი ადგილი ჰქონოდათ.

სახლს აგურის კედლები, დახრილი სახურავი და ოთხი ხის ჩარჩოიანი ფანჯარა აქვს. ოთახში რამდენიმე სკამი დგას. სახლის ნახვისას ბუნებრივად ჩნდება კითხვა - ვინ და როგორ მოახერხა ამ რთულად მისადგომ ადგილზე სამშენებლო მასალის და ავეჯის მიტანა?

დღეს განმარტოებულ სახლში მოხვედრა კარგად მომზადებულ ალპინისტს სახიფათო ბილიკით ან თოკის კიბით შეუძლია. თავგადასავლის მაძიებლებმა სახლი შეიძლება დასასვენებლად გამოიყენონ, რაც გასაკვირი არ არის, რადგან დოლომიტებზე ზოგიერთ მარშრუტის გავლას რამდენიმე კვირა სჭირდება.