როგორ აღმოჩნდა ხე ფეხბურთის მოედანზე?

ყველაფერი იმით დაიწყო, რომ წლების წინ პეკინში, მე-15 საუკუნის საიმპერატორო ბაღში იუკაის სკოლა გაიხსნა. სკოლას ლიცენზიის მისაღებად ფეხბურთის მოედანი სჭირდებოდა, მაგრამ გეგმის განხორციელებას მშენებლობისთვის გამოყოფილ ადგილზე მდგარი ხე უშლიდა.

100 წლის ხის მოჭრა, რომელიც ადგილობრივ მოსახლეობას წმინდა ხედ მიაჩნდა და ჩინეთის კანონმდებლობა იცავდა, შეუძლებელი იყო, ამიტომ სტადიონი ხის ირგვლივ აშენდა.

რა თქმა უნდა, უცნაურ სტადიონზე თამაშს თავისი უხერხულობაც ახლავს - ბავშვებს ხის ირგვლივ სირბილი და ტოტებში გაჭედილი ბურთის ჩამოტანა უწევთ, მაგრამ ამას არავინ უჩივის.