სასაფლაო, სადაც ყოველ ნაბიჯზე შედევრია
16:00 პარ. 29 იანვარი, 2021 წელი
მილანის Cimitero Monumentale ევროპის ერთ-ერთი ყველაზე ლამაზი სასაფლაოა . ღია ცის ქვეშ აგებული ქანდაკებისა და არქიტექტურის ნამდვილი მუზეუმი 1866 წელს, იტალიელმა არქიტექტორმა კარლო მაკიაჩინმა ააშენა. აქ დაკრძალული არიან ცნობილი კომპოზიტორები, მუსიკოსები, პოეტები, მწერლები და მხატვრები: ჯუზეპე ვერდი, მუსიკოსი ვლადიმერ ჰოროვიცი, დირიჟორი არტურო ტოსკანინი, მხატვარი და დიზაინერი ბრუნო მუნარი და სხვები.
მილანის ეს დიდი სასაფლაო უფრო მეტად უცნაური ქანდაკებების პარკს ჰგავს, ვიდრე მკვდრების ქალაქს.
გასაოცარი სილამაზით გამოირჩევა კამპარების საგვარეულო საფლავზე განთავსებული სკულპტურული ჯგუფი „უკანასკნელი ვახშამი“, აქ დავიდე კამპარი განისვენებს.
დიახ, ეს სასაფლაო მილანის ცნობილი ღირსშესანიშნაობაა.
ფიგურებით შემკული თითოეული საფლავი ნამდვილი ხელოვნების ნიმუშია.
ეს თეთრი კოშკი ტრიკოტაჟის ქარხნების მფლობელის, ქველმოქმედისა და სენატორის ანტონიო ბერნოკის საფლავზე დგას:
მინა და ლითონი - ცნობილი კათოლიკე მღვდლის ლუიჯი გიუსანის საფლავი.
ცნობილი მილანური ოჯახები განსაცვიფრებელი სილამაზის საგვარეულო სამარხები აღმართვაში ერთმანეთს ეჯიბრებიან.
ენცო ვიკარი 1980 წლიდან 1987 წლამდე მილანის პრეფექტი იყო და ქალაქს ტერორიზმთან და ორგანიზებულ დანაშაულთან ომის მძიმე წლებში მართავდა.
მთავარი შენობის თაღის ქვეშ დამონტაჟებულია ცნობილი იტალიელი მწერლის, ალესანდრო მანზონის სარკოფაგი.
სიახლეები ამავე კატეგორიიდან
info@bp.ge
+995595334912