შეიძლება თუ არა ძილში სწავლა?

1920-იან და 1930-იან წლებში მთელ მსოფლიოში აქტიურად განიხილებოდა, შესაძლებელია თუ არა ბუნებრივი ძილის პროცესში უცხო სიტყვების, მათემატიკური და ქიმიური ფორმულების და ზოგადად, ახალი ინფორმაციის სწავლა.

კვლევების თანახმად, ბუნებრივი ძილის დროს ადამიანის ტვინი ბგერებზე და სუნებზე რეაგირებს, ცხოველებში კი ამ დროს უმარტივესი პირობითი რეფლექსების განვითარებაა შესაძლებელი.

ზოგი მკვლევარი ამტკიცებდა, რომ ბუნებრივი ძილი ჰიპნოზური ძილის იდენტურია და მძინარე ადამიანი ისეთივე მგრძნობიარეა, როგორც ჰიპნოზის ქვეშ მყოფი ადამიანი, მაგრამ 1956 წელს ჩარლზ საიმონმა და უილიამ ემონსმა ელექტროენცეფალოგრაფიის გამოყენებით დაამტკიცეს, რომ ძილში სწავლა შეუძლებელია.

ჰიპნოპედიის დროს მხოლოდ სიფხიზლის დროს მიღებული ინფორმაციის გადამუშავება და ზოგიერთი სახის ინფორმაციის დაფიქსირება შეიძლება.