სიურპრიზი საშობაოდ - ტყიდან გამოპარული ბუ
20:00 ხუთ. 7 იანვარი, 2021 წელი
აშშ-ს ჯორჯიის შტატში მცხოვრებმა ოჯახმა შობისთვის სამმეტრიანი, ულამაზესის ნაძვი იყიდა და საახალწლო ფიგურებით გააფორმა. ამაში უჩვეულო და გასაოცარი არაფერი იქნებოდა, რომ არა სიურპრიზი, რომელიც 10 წლის გოგონამ ერთი კვირის შემდეგ აღმოაჩინა - ნაძვის ხის ტოტებიდან ცოცხალი ბუ შეჰყურებდა - წერს გამოცემა Independent.
თავიდან ბავშვმა ფრინველი დეკორაციად ჩათვალა. „როცა მიხვდა, რომ ბუ ცოცხალი იყო, ენის ძალიან შეეშინდა და ატირდა“ - განაცხადა CNN-თან ინტერვიუში გოგონას დედამ ქეით მაკბრაიდ ნიუმენმა.
ბუ უკან, ტყეში რომ გაესტუმრებინათ, ოჯახმა მისაღები ოთახის ყველა ფანჯარა გააღო, მაგრამ ყველასთვის მოულოდნელად, ბუმ სახლის დატოვებაზე უარი თქვა და ტოტებში დაიმალა.
მაკბრაიდ ნიუმენი იძულებული გახდა, ბუნების დაცვის ცენტრში დაერეკა და ბუს ბუნებრივ გარემოში დასაბრუნებლად დახმარება ეთხოვა. ასეც მოხდა და ნიუმენების ოჯახის დაუპატიჟებელი სტუმარი რამდენიმე საათში მშობლიურ ტყეს დაუბრუნდა.
სიახლეები ამავე კატეგორიიდან