სოფელი „ცოცხალი ხიდებით“

მაუსინრამს უჩვეულო ადგილად მხოლოდ ეს კლიმატური უჩვეულობა არ აქცევს. აქ მდებარეობს უნიკალური „ცოცხალი ხიდები“, რომლებიც ლურსმნის გარეშეა აგებული.

„ცოცხალ ხიდებს“ ადგილობრივები ხის ფესვებიდან ქმნიან. „ყოველი ხიდის საფუძველი ბამბუკია, ხოლო გვერდით მზარდი ხეების ფესვები მათზე თოკებით ფიქსირდება“, - ჰყვება ფოტოგრაფი ამოს ჩაპლი.

„6-8 წელიწადში ბამბუკი მთლიანად ლპება, ხის ფესვები კი დამოუკიდებლად ქმნის ხიდს და ადამიანის წონას უძლებს“.

მართალია, ეს ხიდები საკმაოდ უჩვეულოდ გამოიყურება, მაგრამ ადგილობრივებისთვის ეს მდინარეზე გადასვლის ერთადერთი საშუალებაა.

საქმე ისაა, რომ ნებისმიერი ხის „არაცოცხალი“ ხიდი, აქაურობისთვის დამახასიათებელი მაღალი ტენიანობის გამო, რამდენიმე წელიწადში მთლიანად ლპება, განსხვავებით „ცოცხალი ხიდებისგან“, რომლებსაც თვითაღდგენის ფუნქცია აქვს „ჩართული“.