ვინ არის კაცი, ვინც ხისგან მაქმანებს „ქსოვს“

ოსტატი ხის უნიკალური თვისებებით და ავეჯის წარმოების პროცესით ჯერ კიდევ ბავშვობაში დაინტერესდა, წლების შემდეგ კი ხეზე კვეთის ხელოვნებას დაეუფლა.

სენტ-ლუკის ხელოვნების სკოლაში სწავლის დროს, როდესაც ჟულიენ ფელერი (Julien Feller)ხეზე კვეთის ოსტატ პატრის დეგრანთან შეგირდად მუშაობდა, Bloc d'Or -ის პრესტიჟული ჯილდო გადაეცა.

ჟულიენი თავს იღბლიან ადამიანად მიიჩნევს. მისი თქმით, სწავლის პერიოდში და მას შემდეგაც ხშირი და მჭიდრო ურთიერთობა ჰქონდა ნიჭიერ დურგლებთან, ხეზე კვეთის ოსტატებთან, ოქრომჭედლებთან და რესტავრატორებთან, რომლებიც პროფესიული უნარების განვითარებაში დეხმარნენ.

ფელერმა, ხის გარდა, თიხასთან, ცვილთან, ბრინჯაოსთან და თაბაშირთან მუშაობაც ისწავლა. მრავალმხრივმა ცოდნამ ხეზე კვეთის ოსტატის შემოქმედება უფრო მდიდარი და საინტერესო გახადა და მოქმედების თავისუფლება მიანიჭა.

ჟიულიენის მიერ შექმნილი ბრიუსელის მაქმანი ნამდვილი შედევრია - დეტალების დამუშავების ხარისხი და შესრულების რეალობა მნახველის გაოცებას იწვევს.

ფელერის სახელოსნოში უამრავ ხელსაწყოს ნახავთ, რომლებითაც ოსტატი ხის ნაჭრისგან ზღაპრული სილამაზის მაქმანებს ქმნის. ორნამენტული სტილისა და ტექნოლოგიების ცოდნა ჟულიენს საშუალებას აძლევს, სარესტავრაციო პროექტებზე იმუშაოს და დაზიანებული ფრაგმენტების კონსერვაციას მიაღწიოს.