მარტის მაგნიტური დღეების კალენდარი

მაგნიტური ქარიშხლები ადამიანებზე განსხვავებულად იმოქმედებს - ზოგს დეპრესიული განწყობა ან შაკიკი შეაწუხებს, ზოგს - ქრონიკული დაავადებები გაუმწვავდება.

საფრთხეს მომზადებული რომ დახვდეთ, შემდეგი თარიღები და პრევენციის საშუალებები უნდა დაიმახსოვროთ:

• 4 მარტი - საშუალო ინტენსივობის მაგნიტური ქარიშხალი.
• 12 მარტი - სუსტი ინტენსივობის მაგნიტური ქარიშხალი.
• 19 მარტი - საშუალო ინტენსივობის მაგნიტური ქარიშხალი.
• 31 მარტი - საშუალო ინტენსივობის მაგნიტური ქარიშხალი.

გაითვალისწინეთ, რომ მაგნიტური ქარიშხლების პერიოდში ყველაზე გავრცელებული სიმპტომებია:

• თავის ტკივილი და თავბრუდახვევა
• მადის დაკარგვა
• დეპრესიული განწყობა
• წნევის მომატება ან შემცირება
• ძილის დარღვევა
• სახსრების ტკივილი
• სისუსტე ან დაღლილობა
• ქრონიკული დაავადებების გამწვავება.

როგორ შევამციროთ მაგნიტური ქარიშხლების უარყოფითი გავლენა?

სიმძლავრის დონის გათვალისწინებით, მაგნიტურმა ქარიშხალმა შეიძლება ჯანმრთელ ადამიანზეც კი მოახდინოს გავლენა.

მდგომარეობის შემსუბუქების მიზნით, სახიფათო დღეებში ექიმების მარტივი რეკომენდაციები უნდა შეასრულოთ:

• დაიცავით ცხოვრების ჯანსაღი წესი, სწორად იკვებეთ და ივარჯიშეთ.
• საკმარისად დაისვენეთ და იძინეთ.
• სვით წყალი და მცენარეული ჩაი.
• უარი თქვით ალკოჰოლურ სასმელებსა და ცხიმიან საკვებზე.
• მოერიდეთ სტრესს და ნერვიულობას.
• მოიმარაგეთ საჭირო მედიკამენტები.