სილამაზე/ჯანმრთელობა

პროდუქტების 4 ჯგუფი, რომელზეც ვირუსის დროს უარი უნდა თქვათ?

funtime

14:00 ოთხ. 8 სექტემბერი

ვირუსული ინფექცია და
კვება
14
დაკოპირებულია

კვება ადამიანის იმუნიტეტზე უდიდეს გავლენას ახდენს. დიეტოლოგები გვასწავლიან, რომელი საკვები უნდა გამოვრიცხოთ მენიუდან და რომელი უნდა დავამატოთ, რომ სხეული გაძლიერდეს და დაავადებას შეეწინააღმდეგოს.

გაზაფხული-შემოდგომის პერიოდი ტრადიციულად, ვირუსული და ბაქტერიული დაავადებების სეზონებად მიიჩნევა, ხოლო კორონავირუსი უკვე ნებისმიერ სეზონში აქტუალური პრობლემაა.

ამიტომ აუცილებელია, იმუნიტეტის გაძლიერებაზე უნდა იზრუნოთ. რა თქმა უნდა, ძილი, სტრესისა და მავნე ჩვევების არარსებობა მნიშვნელოვანია, მაგრამ მთავარი მაინც კვებაა.

რომელ პროდუქტებს უნდა ვერიდოთ ავადმყოფობის დროს?

თანამედროვე ადამიანი დიდი რაოდენობით შაქარს, ნახშირწყლებს, რძისა და რძემჟავა პროდუქტებს მიირთმევს, რაც კუჭ -ნაწლავის მუშაობას პრობლემებს უქმნის. არადა, 80%-ით სწორედ ნაწლავებია პასუხისმგებელი იმუნიტეტზე. შესაბამისად, იმუნიტეტის გასაზრდელად, მენიუდან ის პროდუქტები უნდა გამორიცხოთ, რომლებიც საჭმლის მომნელებელ ტრაქტზე ცუდად მოქმედებენ.

1. შაქარი და შაქრის შემცველი პროდუქტები: ტკბილეული, ნამცხვრები, ორცხობილა, ხილის წვენები, შაქრიანი სასმელები და სხვა. გახსოვდეთ შაქარი ვირუსებს, ბაქტერიებსა და სოკოებს კვებავს!

2. რაფინირებული ნახშირწყლები: მაგალითად, მაკარონი, საფუარიანი პური, ნამცხვრები, ნაყინი, კეტჩუპი, ჩიფსები და ა.შ.

3. საკვები, რომელიც კონსერვანტებს, კანცეროგენებს, გლუტენს, მავნე საღებავებს და დანამატებს შეიცავს: მაგალითად, საღებავები აზიანებს ნაწლავის ლორწოვან გარსს და ხელს უშლის დამცავი უჯრედების წარმოქმნას, ხოლო გლუტენი "წებოვნების" წყალობით, ლორწოვან გარსს არ აძლევს აღდგენის საშუალებას.

4. რძის და რძემჟავა პროდუქტები: ისინი შეიცავენ ლაქტოზას (რძის შაქარს). დაბალი იმუნიტეტით ან ლაქტაზას დეფიციტის დროს ასეთი საკვების გამოყენება ნაწლავის ლორწოვან გარსზე ცუდად მოქმედებს. ძროხის რძის პროდუქტები შეიცავენ ცილას - კაზეინ A1, რომელიც სხეულის იმუნურ სისტემას თრგუნავს.

სასარგებლო პროდუქტები და ვიტამინები იმუნიტეტის ასამაღლებლად

1. ვიტამინი C. ამ ვიტამინს ყველაზე დიდი რაოდენობით შეიცავს მწვანე და მუქი მწვანე ბოსტნეული და ბულგარული წიწაკა. გავრცელებული შეხედულების საწინააღმდეგოდ, ციტრუსებში (ფორთოხალი, მანდარინი და სხვ.) დიდი რაოდენობით C ვიტამინი ა არისა, მაგრამ ეს ხილი შეიცავს ბოჭკოს, რომელიც აუმჯობესებს ნაწლავის მიკროფლორას.

2. ვიტამინი D. ამ ვიტამინს ყველაზე დიდი რაოდენობით შეიცავს თევზი - სკუმბრია, ორაგული, თინუსი, ქაშაყი.

3. ჩაი თაფლით ან კენკრით - დაიმახსოვრეთ, თუ ჩაის თაფლს უმატებთ, არ უნდა მოურიოთ. წინააღმდეგ შემთხვევაში, ის ყველა სასარგებლო ნივთიერებას დაკარგავს. იმუნიტეტისთვის ასევე სასარგებლოა კენკრა - ქაცვი, ჟოლოს ფოთლები და სხვ.

4. მეფუტკრეობის პროდუქტები: ფუტკრის რძე, დინდგელი, ყვავილის მტვერი და ფუტკრის პური ბევრ სასარგებლო ამინომჟავას, ვიტამინს და მინერალს შეიცავს, რომლებიც შესანიშნავ გავლენას ახდენენ იმუნური სისტემის მდგომარეობაზე.

5. თუთია. ამ ნივთიერების დეფიციტი რომ თავიდან აიცილოთ, მენიუს ზღვის პროდუქტები (ძირითადად მიდიები) უნდა დაამატოთ.

6. ძვლის ბულიონი - ის მდიდარია ამინმჟავებით, რომლებსაც ანტივირუსული და ნაწლავის ლორწოვანი გარსის აღდმდგენი თვისებები გააჩნია.

იდეალური მენიუს შესადგენად, სასურველია, ანალიზები ჩაიტაროთ და ორგანიზმში ვიტამინებისა და საკვები ნივთიერებების დონე შეამოწმოთ. სწორი კვებით შესაძლებელია ამა თუ იმ მიკროელემენტის დეფიციტის შევსება, ხოლო მავნე საკვებზე უარის თქმა დაავადების წინააღმდეგ ბრძოლაში დაგეხმარებათ.

🔰:

რა მიგვანიშნებს იმას, რომ ორგანიზმს ვიტამინები აკლია?

5 მცენარე, რომელიც ვირუსული ინფექციისგან დაგიცავთ

D ვიტამინის ნაკლებობა სიმსუქნეს იწვევს


სიახლეები ამავე კატეგორიიდან

როგორ შევამოწმოთ იმ პროდუქტის ხარის...

ხაჭოს ცნობა

როგორ ვუშველოთ უძილობას – მიზეზები,...

როგორ ვუშველოთ უძილობას

7 ცვლილება, რომელსაც უმოძრაო ცხოვრე...

რა პრობლემებს იწვევს
დიდხანს ჯდომა?

5 ჩვევა, რომელიც მოწევაზე მავნეა

ჯანმრთელობისთვის მავნე
ჩვევები

რატომ მცირდება ძილის ხანგრძლივობა ა...

ძილის ხანგრძლივობა
ასაკში

გაფილტრული, ანადუღარი თუ ბოთლის? -...

წყალი - ონკანის, ბოთლის თუ
გაფილტრული?

შეიძლება თუ არა შოკოლადის ჭამა, თუ...

საშიშია თუ არა თეთრი
ნადები შოკოლადზე

რატომ არ შეუძლია კოღოს შიდსის ვირუს...

კოღო და შიდსის ვირუსი

სასარგებლოა თუ არა ქათმის ღვიძლი ჯა...

ქათმის ღვიძლის სარგებელი