+18

13 ფაქტი ქალის ორგაზმზე, რომელიც გაგაოგნებთ

fun time

23:35 შაბ. 24 აპრილი, 2021 წელი

ქალის ორგაზმის შესახებ
14
დაკოპირებულია

ქალის ორგაზმი საკმაოდ რთული მოვლენაა, რომელიც არა ფეხებს შორის, არამედ, როგორც ამბობენ, „ყურებს შორის“ ხდება, რადგან მთავარი ორგანო, რომელიც ქალის სიამოვნებაზეა პასუხისმგებელი - ტვინია.

გთავაზობთ ყველაზე გასაოცარ, ყველაზე უცნაურ და ყველაზე მოულოდნელ ფაქტებს ქალის ორგაზმზე.

1. კლიტორის სტიმულაცია - ყველაზე პოპულარული (და გამოცდილი) მეთოდია ორგაზმის მისაღწევად. ქალების მხოლოდ 30%-ს შეუძლია ორგაზმის მიღება ვაგინალური სექსის დროს, კლიტორის დამატებითი სტიმულაციის გარეშე. ორგაზმის რაოდენობის რეკორდი ლონდონელ ქალს ეკუთვნის, რომელმაც 2009 წელს, ერთი მასტურბაციის პროცესის დროს ორგაზმი 49-ჯერ განიცადა.

2. ქალის ორგაზმი, საშუალოდ, 20 წამი გრძელდება, კაცის სიამოვნება კი 3-დან 10 წამამდე.

3. ორგაზმის შემდეგ ძილიანობა ნორმალურია. ასეა კაციც, რადგან სექსის შემდეგ ჰორმონი პროლაქტინი დიდი რაოდენობით გამომუშავდება. სხვათა შორის, სექსის შემდეგ ზემოხსენებული ჰორმონი ოთხჯერ უფრო მეტად გამომუშავდება, ვიდრე მასტურბაციის შემდეგ. სწორედ ამიტომ სოლო თამაშის შემდეგ არ უჩნდება არც ქალს და არც კაცს ძილის შეგრძნება.

4. არავინ იცის, რაში სჭირდება ქალს ორგაზმი. სერიოზულად. მართალია, გვგონია, რომ მეცნიერებმა სამყაროში ყველაფერი გამოიკვლიეს, მაგრამ სინამდვილეში, ქალის სექსუალურობის შესწავლა სულ ახლახან დაიწყეს. ერთ-ერთი მკვლევარი ამტკიცებს, რომ ამგვარად ქალები თავიანთთვის უკეთეს პარტნიორსა და შვილის მამას „განსაზღვრავენ“, სხვები კი ფიქრობენ, რომ ორგაზმის უნარი ევოლუციური შემთხვევის შედეგია.

5. „ორგაზმი - პატარა სიკვდილია“ - ეს ფრანგული გამოთქმაა. სინამდვილეში, სიტყვა „ორგაზმი" ბერძნული სიტყვიდან orgasmos მოდის, რაც ნიშნავს: „ადგე სისველიდან, იყო ბედნიერი“.

6. სიბერე სულაც არ არის იმის მიზეზი, რომ ორგაზმი ვერ განიცადოთ. ცნობილია შემთხვევა, როდესაც ქალმა 90 წლის ასაკში განიცადა ორგაზმი. ასაკში ორგაზმთან დაკავშირებით მხოლოდ ერთი პრობლემაა - წლების მატებასთან ერთად ორგაზმის ხანგრძლივობა იკლებს. სამაგიეროდ, ასაკში ორგაზმამდე მისვლაა ადვილი, ამტკიცებს ექიმი ჰერბნიკი, რომელიც მიიჩნევს, რომ რაც უფრო ასაკშია ქალი, მით უფრო მარტივად ერკვევა საკუთარ სხეულში და იცის, როდის მიაღწიოს პიკს!

7. ორგაზმის დროს „ითიშება“ თავის ტვინის ორბიტოფრონტალური ნაწილი, რომელიც მარცხენა თვალთანაა. თავის ტვინის ეს ნაწილი ქცევის კონტროლზეა პასუხისმგებელი, რასაც ჩვენ ჯანსაღ აზროვნებას ვუწოდებთ. ჩვენი ტვინი გვკარნახობს: „გეყოფა ფიქრი, გაათავე!“

8. გადაუხადეთ მადლობა ნერვებს - მათ გარეშე ორგაზმის მიღწევა შეუძლებელია. სასქესო ორგანოები დიდი რაოდენობით ნერვიულ დაბოლოებას შეიცავს (კლიტორში მათი რაოდენობა რვა ათასია!). ისინი მიაწვდიან ინფორმაციას ტვინს, რომ ახლა თქვენს ორგანიზმში რაღაც კარგი მოხდება.

9. ქალებსაც აქვთ „სველი სიზმრები“. მართალია, მათ უფრო კაცებს მიაწერენ, თუმცა, სპეციალისტების მტკიცებით, ქალების 37%-ს ძილში ერთხელ მაინც განუცდია ორგაზმი.

10. ბევრი ქალი ორგაზმს მკერდზე ფერებით განიცდის. მართალია, ასეთი შემთხვევა იშვიათია, მაგრამ არსებობს, რაც გასაკვირი არ არის, რადგან მკერდიც საკმაოდ მგრძნობიარე ადგილია.

11. ზოგიერთი ქალი საერთოდ არ განიცდის ორგაზმს. ამ მდგომარეობას „ანორგაზმია“ ეწოდება და მისი მიზეზი მრავალია - დაწყებული ფსიქოლოგიურიდან, დამთავრებული ფიზიოლოგიური პრობლემით. ზოგიერთი ქალი ორგაზმს მასტურბაციის დახმარებითაც ვერ განიცდის. მეცნიერები ცდილობენ, ანორგაზმიის რამდენიმე სახეობას „შეებრძოლონ“ გამოგონებების დახმარებით. ერთ-ერთი ასეთი გამოგონებაა „ორგაზმოტრონი“ - ეს არის იმპლანტატი, რომელიც პაციენტებს ზურგის ტვინში უმაგრდება და ორგაზმი იმართება ღილაკზე თითის მიჭერით.

12. ორგაზმის დროს ქალი გამოყოფს დიდი რაოდენობით ოქსიტოცინს. მას, ასევე, „ჩახუტების ჰორმონს“ უწოდებენ. სხვათა შორის, ოქსიტოცინს აქვს „გვერდითი“ ეფექტი: ეხუტებით იმას, ვინც გვერდით გყავთ, მაგრამ საშინელ აგრესიას გრძნობთ მათ მიმართ, ვინც სხვას ეკუთვნის. ამგვარად, ეს ჰორმონი გეხმარებათ, თქვენი ცხოვრებიდან ის ადამიანები გაცხრილოთ, რომლებიც თქვენთვის არაფერს წარმოადგენენ.

13. ხშირი მასტურბაცია ორგაზმს არ აუარესებს. პირიქით, მასტურბაცია გაჩვევთ სიამოვნების მიღებას. ზოგადად, მასტურბაცია არც შოკოლადია და არც სიგარეტი, მისგან არც წონაში მოიმატებთ და არც მავნე ჩვევას შეიძენთ. ყველა მხრიდან მხოლოდ სარგებელი მოაქვს.


სიახლეები ამავე კატეგორიიდან

მაზოხიზმის ანატომია - რატომ სიამოვნ...

მაზოხიზმის ანატომია

სექსთან დაკავშირებული 5 ყველაზე უცნ...

სექსი და აკრძალვები

მეცნიერების რჩევა კაცებს: მნიშვნელო...

სექსის შემდეგ

შესაძლებელია თუ არა სექსი კოსმოსში?

სექსი და კოსმოსი

რაში სჭირდება ქალს ორგაზმი?

რაში სჭირდება ქალს
ორგაზმი?

რა იწვევს სექსის დროს სიკვდილს?

ვისთვის არის სექსი
სახიფათო

რამდენი სექსი სჭირდება კაცს ბედნიერ...

სექსუალური აქტის
ხანგრძლივობა

ფოტოები ნიუ-იორკული პორნოს გადასაღე...

ფოტოები ნიუ-იორკული
პორნოს გადასაღები
მოედნიდან

როგორია ვნებიანი ქალი

ფოტოგრაფ კრისტინა
კაზარინას ნამუშევარი