+18

ქალის ვირტუოზულად გახდის 6 წესი

funtime

23:00 შაბ. 31 ივლისი

ქალის გახდის წესები
14
დაკოპირებულია

გგონიათ, რომ იცით, როგორ უნდა გახადოთ ქალს სწორად სამოსი? აბა, გადაამოწმეთ თქვენი „ცოდნა“.

1. ჩააქრეთ შუქი

გახდის ნებისმიერი პროცესი მაღალი განათების ფონზე, ალბათ, უფრო ექიმთან ვიზიტთან ასოცირდება და ქალებში შფოთვას იწვევს. ამიტომ, თუკი გადაწყვიტეთ, ქალს სამოსი გახადოთ, იზრუნეთ რომანტიკულ განათებაზე.

კაშკაშა მზის შემთხვევაში, ოთახი ფარდებით დააბნელეთ, ხოლო ჭერზე დამონტაჟებული ელექტროგანათება მაგიდაზე დასადგამი განათებით ან სულაც, სანთლებით ჩაანაცვლეთ.

2. გაუფრთხილდით სამოსს

ფილმებში ძალიან ხშირად გვინახავს, როგორ გლეჯენ სხეულიდან სამოსს „დამშეული წყვილები“ ერთმანეთს (არა, არ ვგულისხმობთ ფილმებს ზომბებზე, საუბარია ეროტიკულ ფილმებზე), ისე, რომ საერთოდ არ უფრთხილდებიან სამოსის ნაკერებს, ელვა შესაკრავებს ან ღილებს.

აღმოჩნდა, რომ რეალობაში ეს ხერხი აბსოლუტურად არ მუშაობს. იშვიათად შეხვდებით ქალს, რომელსაც გაუხარდება ტანსაცმლის ველურად გახდა და იმ კაბის გაფუჭება, რომლის შესაძენად ის მთელი თვე, შეიძლება, „წელებზე ფეხს იდგამდა“.

ამიტომ იყავით განსაკუთრებით აკურატული, როდესაც ქალს სამოსის გახდას დაუწყებთ. ნუ დაიზარებთ და ყურადღებით გაუხსენით ყველა ღილი... ბოლომდე.

3. ნუ გახდით ქალს საცვალს

როდესაც ქალს სვიტერს, როლინგს, ჯემპრს, შარვალს, რეიტუზსა და წინდებს გახდით, დაინახავთ, რომ ის საცვლის ამარა დარჩა. და თუკი მას ელეგანტური საცვალი აცვია (და ამას მარტივად მიხვდებით), ნუ დაიწყებთ მის დაუყოვნებლივ გახდას. სავარაუდოდ, ეს ელეგანტური საცვალი მან სპეციალურად თქვენთვის ჩაიცვა. ამიტომ სჭირდება გარკვეული დრო თქვენთვის თავის მოსაწონებლად.

ასე რომ, როდესაც ქალი მხოლოდ მიმზიდველ და საოცრად სექსუალური საცვლის ამარა დარჩება, შეგიძლიათ, გახდის პროცესი ოდნავ შეანელოთ. ისარგებლეთ პაუზით, აკოცეთ, სასმელი მიაწოდეთ...

4. გაიხადეთ წინდები

იმის შესახებ, რომ სექსის დროს კაცს წინდები არ უნდა ეცვას, ადრე ვისაუბრეთ და შევთანხმდით. მაგრამ ახლა კაცებზე არ ვსაუბრობთ. გახადეთ წინდები ქალსაც. ზოგიერთი ენთუზიასტი ჩქარობს ქალზე სამოსის გახდას, მაგრამ წინდები ავიწყდება.

ალბათ, ყოფილხართ სიტუაციაში, როდესაც ქალს შარვალს ხდით და წინდა ქუსლზე გაეჭედება, შემდეგ კი, სახეზე გაწითლებულები, ორივე ცდილობთ, იხსნათ ტყვეობიდან საცოდავი, გაჭედილი წინდა. ამიტომ, თუკი ქალს ჯინსის შარვალი აცვია, დადექით მუხლებზე, ჯერ წინდები გახადეთ, შემდეგ კი, აუჩქარებლად ჩამოაცურეთ მისი სხეულიდან შარვალი.

არ დაგავიწყდეთ, რომ ამ დროს მთავარია, ქალს თვალებში უყურებდეთ.

5. ნუ იქნებით ჭკვიანი ბიჭის როლში

თუკი ქალს აცვია საცვალი წარწერით, რომლის აზრსაც არ ეთანხმებით, ნუ შეიმჩნევთ და ამ თემაზე ხუმრობასაც არ გირჩევთ: პარტნიორს რომანტიკულ განწყობას გაუფუჭებთ. იგივე შეგიძლიათ, გაითვალისწინოთ, თუკი ქალის წინდაზე ნახვრეტს აღმოაჩენთ, ნუ შეიმჩნევთ, დაიჭირეთ თავი ისე, თითქოს არაფერი დაგინახავთ.

6. დაუთმეთ ბიუსტჰალტერს

თუკი უკვე 15 წუთია, ცდილობთ, გახსნათ ქალის ბიუსტჰალტერის შესაკრავი, წადით კომპრომისზე. დიახ, ბიუსტჰალტერთან შეწინააღმდეგება არ ღირს. დაუთმეთ ეს პროცესი ქალს, სანამ იმ კაცების სიაში შეხვალთ, რომლებზეც ქალები ჭორაობენ და მის მოუხერხებლობაზე იცინიან.


სიახლეები ამავე კატეგორიიდან

ორგაზმი, მასტურბაცია და თავის ტკივი...

ტყუილი სექსში

როგორ მოქმედებს ამინდი სექსზე?

უამინდობა და სექსი

ვერტიკალური ინტიმი: მნიშვნელოვანი დ...

ვერტიკალური სექსი

არ მინდა და მორჩა! - 10 არგუმენტი ო...

როგორ თქვათ უარი ორალურ
სექსზე

აი, ასე რეაგირებს ქალის სხეული „არა...

როცა ქალის გვერდით
არასწორი მამაკაცია

შეყვარებული წყვილის ინტიმური ფოტოდღ...

ინტიმური ფოტოდღიური,
ფოტოგრაფი ლინა შეინიუსი

„ძველი სიყვარული“ - ინტიმური ცხოვრე...

„ძველი სყვარული“,
ფოტოგრაფი ანაბელ
ოსტევეჰელი

5 პროდუქტი, რომელიც სექსის წინ არ უ...

კვება სექსის წინ

ქალის ინტიმური სითხე კიბოსა და სხვა...

ქალის ინტიმური სითხე
კიბოსა და სხვა
დაავადებებს ებრძვის