დესერტი

ალუბლის ტორტის რეცეპტი

fun time

11:01 ოთხ. 22 ივნისი, 2022 წელი

ალუბლის ტორტის რეცეპტი

14
დაკოპირებულია

ალუბლის პეროგი და ნამცხვარი რომ გემრიელია, ამას მტკიცება არ სჭირდება. ახლა კი სცადეთ მომჟავო და არომატული ალუბლის ტორტი - ფუმფულა ბისკვიტით და ნაღების კრემით. უგემრიელესია!

 

საჭირო ინგრედიენტები:

  • ფქვილი - 1,5 ჭიქა;
  • კვერცხი - 6 ცალი;
  • კარაქი - 80 გრ.
  • შაქარი - 3 ჭიქა;
  • ალუბალი - 500 გრ.
  • ნაღები - 1 ლ.
  • შოკოლადი - 120 გრ.
  • კაკაო - 3 ს. კოვზი;
  • სახამებელი - 50 გრ.

მომზადების წესი:

ფუმფულა ტორტის ბისკვიტი


კვერცხების ცილა და გული გააცალკევეთ.
კვერცხის გულები ნახევარ ჭიქა შაქართან ერთად ათქვიეთ.

ცალკე ჯამში კარგად ათქვიფეთ კვერცხის ცილა. როცა ბეზე კარგად გამაგრდება, თანდათან დაამატეთ 0,5 ჭიქა შაქარი და თქვეფა გააგრძელეთ.

ამის შემდეგ ათქვეფილი ცილა ფრთხილად გადაიტანეთ გულებიან ჯამში და მიქსერის ყველაზე დაბალი სიჩქარით რამდენიმე წუთი ერთად თქვიფეთ.
შემდეგ მიქსერი გამორთეთ და ათქვეფილ კვერცხს კაკაოსთან ერთად გაცრილი ფქვილი კოვზით ფრთხილად შეურიეთ.

გაადნეთ კარაქი, ოდნავ გააგრილეთ და ტორტის ცომს შეურიეთ.

საცხობ ფორმას ცხიმი წაუსვით და ტორტის ცომი გადაიტანეთ. ტორტი გამოაცხვეთ 200 გრადუსზე 30 წუთის განმავლობაში. მზადყოფნა ხის ჩხირით შეამოწმეთ.

ცივი კრემი


სანამ ბისკვიტი გრილდება, კრემი უნდა გააკეთოთ.
ჩაასხით 1ლიტრი ნაღები ღრმა ჭურჭელში, დაუმატეთ ერთი ჭიქა შაქარი და 50 გრამი სახამებელი. ყველაფერი მიქსერის მაღალ სიჩქარეზე თქვიფეთ, სანამ კრემი კარგად არ შესქელდება. ამის შემდეგ მაცივარში შედგით.

ალუბლის მომზადება

ალუბალს კურკები გამოაცალეთ და 1 ჭიქა შაქარი დააყარეთ. დაელოდეთ, სანამ წვენს კარგად გამოუშვებს და ცოტა წყალი დაამატეთ. შაქარი კარგად რომ გადნეს, ალუბლები ცალკე ჭურჭელში გადაიტანეთ, წვენი კი დაბალ ცეცხლზე დაადგით, სანამ შაქარი გადნება.

ტორტის აწყობა

გაგრილებული ბისკვიტი შუაზე ან 3 ნაწილად გაჭერით და ალუბლის წვენით დანამეთ. სურვილის შემთხვევაში შეგიძლიათ ალუბლის წვენს ცოტაოდენი კონიაკი დაუმატოთ.
კრემი მაცივრიდან გამოიღეთ და ფირფიტებს წაუსვით. ტორტის შიგნით და ზემოდან ალუბლები მოალაგეთ.

ტორტი დარჩენილი ნაღების კრემით გააფორმეთ და გახეხილი შოკოლადი მოაყარეთ.

მზა ალუბლის ტორტი ორიოდე საათით მაცივარში შედგით, შემდეგ კი გემრიელად მიირთვით.

***

სხვათა შორის, ალუბალი კარგად იყინება და ამ ტორტს საახალწლოდაც კი გამოაცხობთ 👇

ხილი და ბოსტნეული ზამთრისთვის - გაყინვის წესი


სიახლეები ამავე კატეგორიიდან

სახლის ლიმონათი პიტნით - გამაგრილებ...

სახლის ლიმონათი პიტნით

ბაბუაწვერას მურაბა - სარგებელი და მ...

ბაბუაწვერას მურაბა

მარწყვის ჯემი ჟელატინით

მარწყვის ჯემი ჟელატინით

Crazy Cake - შოკოლადის სამარხვო ტორ...

Crazy Cake - შოკოლადის სამარხვო
ტორტი

ფრანგული ვაშლის ნამცხვარი დარიჩინით

ვაშლის ნამცხვარი
დარიჩინით

სწრაფი დესერტი ცხობის გარეშე - ალუბ...

სწრაფი დესერტი - ალუბლები
ვაფლით

კანოლი - სიცილიელი მაფიოზების საყვა...

კანოლი

ლიქიორი ბეილისი - სადღესასწაულო სუფ...

ბეილისის რეცეპტი

იაპონური ხრიკი - როგორ დავატკბოთ მჟ...

როგორ დავატკბოთ მჟავე
მანდარინი 10 წუთში?