ხაჭოს პასკა „სნიკერსი“ - სადღესასწაულო სუფრის მშვენება

საჭირო პროდუქტი:

ხაჭო - 500 გრ

კარაქი - 70 გრ

ნაღები - 100 მლ

კვერცხი - 2 ცალი

შაქარი - 100 გრ

მოხალული მიწის თხილი - 120 გრ

კარამელი (შიგნით - 100 გრ, გაფორმებისთვის - 50 გრ)

შავი შოკოლადი - 60 გრ

ნაღები - 33-35% 30 გრ

მომზადების წესი:

მოხარშეთ კრემი - ათქვიფეთ კვერცხი შაქართან ერთად, ჩაასხით ცხელი ნაღები (100 მლ), სწრაფად აურიეთ, დაადგით ცეცხლზე და განუწყვეტელი მორევით გასქელებამდე მიიყვანეთ.

კრემი გაზქურიდან გადმოდგით, ბლენდერით ათქვიფეთ და ოდნავ გააგრილეთ.

ოთახის ტემპერატურის ხაჭო საცერში გაატარეთ და კარაქთან ერთად კარგად ათქვიფეთ, სანამ ერთგვაროვან მასად არ იქცევა, დაუმატეთ მოხარშული კრემი და ისევ ათქვიფეთ, სანამ პრიალა არ გახდება.

ახლად მოხალული და გაციებული მიწის თხილი ოთახის ტემპერატურის კარამელში აურიეთ.

60 გრ შოკოლადს დაასხით 30 გრ ცხელი ნაღები და წყლის აბაზანაზე ან მიკროტალღურ ღუმელში გაადნეთ, სანამ ერთგვაროვანი მასა არ გახდება.

ხაჭოს მასაში ჩაასხით შოკოლადისა და კარამელ-არაქისის მასა.

საწურში ან ნახვრეტებიან პასკის ფორმაში ორი ფენა დასველებული და კარგად გაწურული დოლბანდი ჩააფინეთ.

ხაჭოს მასა ფორმაში გადაიტანეთ, ზედა ნაწილზე დოლბანდი ფრთხილად დააფარეთ, სიმძიმე დაადგით და მაცივარში მთელი ღამით შედგით.

დილას მზა პასკა საწურიდან ფრთხილად ამოიღეთ და დოლბანდი მოაცილეთ.

პასკა შესაფერის ლანგარზე გადაიტანეთ, მორთეთ კარამელით, გახეხილი შოკოლადით და მიწის თხილით.

გემრიელად მიირთვით!