მანდარინის მურაბა - უძველესი რეცეპტი ბებიას რვეულიდან

საჭირო პროდუქტი

• 1 კგ მანდარინი
• 1 კგ შაქარი
• 1ლ წყალი
• ერთი ლიმონის წვენი

მოზადების წესი:

1. მანდარინს დაასხით მდუღარე წყალი, დააფარეთ ტილო და გააჩერეთ 10 წუთი. ამის შემდეგ გარეცხეთ ცივ, გამდინარე წყალში და გააშრეთ. ხის ჩხირით თითოეული ნაყოფი შუა ადგილას დაჩხვლიტეთ, ისე, რომ რბილობი არ დააზიანოთ.
2. ჩაასხით თასში წყალი, დაამატეთ შაქარი და მაღალ ცეცხლზე დაადგით. ადუღების შემდეგ ცეცხლს დაუკელით და სიროფი 5 წუთის განმავლობაში ადუღეთ.
3. ჩაუშვით მანდარინები სიროფში და 5 წუთი ადუღეთ. ამის შემდეგ ცეცხლიდან გადმოდგით და 2 საათის განმავლობაში გააგრილეთ. შემდეგ მურაბა ისევ ცეცხლზე დადგით და 10 წუთის განმავლობაში ადუღეთ.

იგივე პროცედურა კიდევ 2-ჯერ გაიმეორეთ და თითოეულ ჯერზე ხარშვის დრო 5 წუთით გაზარდეთ - ანუ, პირველად 5 წუთს ადუღებთ, მეორედ - 10 წუთს, შემდეგ 15 წუთს და ბოლო ჯერზე 20 წუთს.

ამის შემდეგ მურაბა 10 საათის განმავლობაში გააჩერეთ;

სულ ბოლოს კი დაბალ ცეცხლზე, 30 წუთის განმავლობაში ადუღეთ და ხარშვის დასრულებამდე 10 წუთით ადრე ლიმონის წვენი დაამატეთ.

ცხელი მურაბა გასტერილებულ ქილებში გადაიტანეთ და მოხუფეთ.

გემრიელად მიირთვით!