მარწყვის ტარტის რეცეპტი

ტარტის ცომის მოსამზადებლად საჭირო პროდუქტი:

წვრილად დაჭრილი კარაქი - 100 გრ

შაქარი - ნახ. ჭიქა

ცივი წყალი - 1 ს.კ. კოვზი

მწიკვი მარილი,

ტარტის გულსართის მოსამზადებლად საჭირო პროდუქტი:

უცხიმო ხაჭო - 250 გრ.

შაქარი - 0,25 ჭიქა

მარწყვი - 800 გრ

ჟელატინი მარწყვის არომატით - 1 ს.კ. კოვზი

წყალი - 0,25 ჭიქა

ტარტის მომზადება:

1. ღუმელი 180°-მდე გააცხელეთ.

2. ფქვილი, დაჭრილი ცივი კარაქი, 0,5 ჭიქა შაქარი და მარილი ერთმანეთში კარგად ასრისეთ, სანამ ფხვიერ მასას არ მიიღებთ. დაუმატეთ 1 ს.კ. კოვზი (ან ცოტა მეტი) ძალიან ცივი წყალი და ურიეთ, სანამ ცომი ერთგვაროვანი არ გახდება.

3. ცომი გააბრტყელეთ და ტარტის ფორმაში გადაიტანეთ. შემდეგ თანაბრად გაანაწილეთ ფორმის ძირსა და გვერდებზე, ჩანგლით დაჩხვლიტეთ და 10-15 წუთით საყინულეში შედგით.

4. საყინულიდან გამოღების შემდეგ ტარტის ძირი, დაახლოებით, 20-30 წუთი აცხვეთ, სანამ ოქროსფერი არ გახდება. გამომცხვარი ტარტი ფორმაში გააცივეთ.

***

5. მოამზადეთ შიგთავსი: ხაჭო და მეოთხედი ჭიქა შაქარი ერთმანეთში კარგად აურიეთ და ტარტის ძირზე თანაბრად გაანაწილეთ (ტარტი ფორმიდან არ ამოიღოთ)

6. ხაჭოს თავზე დაჭრილი მარწყვი მოალაგეთ.

7. მარწყვის მშრალი ჟელე წყალში გახსენით და რომ აფუვდება, დაბალ ცეცხლზე დადგით. ჟელე განუწყვეტლივ მორევით გააცხელეთ, შემდეგ ცეცხლიდან გადმოდგით, გააცივეთ და მარწყვებს სამზარეულოს ფუნჯით წაუსვით.

8. ტორტი მაცივარში რამდენიმე საათი დატოვეთ და ფორმიდან სუფრასთან მიტანის წინ ამოიღეთ.

გემრიელად მიირთვით!