ნამცხვარი გირჩი - მარტივი დესერტი ცხობის გარეშე

საჭირო ინგრედიენტები:

• ბისკვიტის ორცხობილა სავოიარდი - 200 გრ
• მასკარპონე - 200გრ
• კედრის კაკალი (იგივე - ფიჭვის კაკალი/ფიჭვის თხილი) - 50 გრ
• შოკოლადი - 100გრ
• შოკოლადის „ღილები“ - 100გრ
• შაქრის პუდრა - 1 ჩ.კ.

მომზადების წესი:

1. ორცხობილა დაფშვენით, დაუმატეთ კედრის კაკალი და აურიეთ.

2. შოკოლადი წყლის აბაზანაზე გაადნეთ და მასკარპონეს შეურიეთ.

3. შოკოლადის მასკარპონე დაფშვნილ ორცხობილასთან შეურიეთ, კარგად მოზილეთ და მაცივარში 10-15 წუთით შედგით. მიღებული მასა ოთხ ნაწილად გაყავით და კონუსის ფორმა მიეცით.

4. კონუსებში შოკოლადის „ღილები“ ფრთხილად ჩაარჭეთ.

5. გირჩები ერთი საათით მაცივარში გააცივეთ და სუფრაზე მიტანის წინ შაქრის პუდრა მოაფრქვიეთ. Გემრიელად მიირთვით!

გემრიელად მიირთვით!

ნახეთ სხვა რეცეპტებიც:

👉 ტკბილეული ცხობის გარეშე

👉 მარტივი დესერტი