დესერტი

ფეიხოას ჯემი - მოამზადეთ „ცოცხლად“!

fun time

12:00 პარ. 29 ოქტომბერი, 2021 წელი

ფეიხოას ჯემი ცოცხლად
14
დაკოპირებულია

ფეიხოა ეგზოტიკური კენკრაა, რომლის ნაყოფი ჯანმრთელობისთვის სასარგებლო უამრავ ნივთიერებას და ვიტამინს შეიცავს. ეს ერთადერთი მცენარეა, რომელიც იოდის შემცველობით ზღვის პროდუქტებსაც კი უსწრებს. 

ფეიხოს სარგებლობა რომ განსაკუთრებულია, ეს თუნდაც იმით შეიძლება აიხსნას, რომ ფეიხოას სულ მცირე ზომის ნაყოფი ზრდასრული ადამიანის იოდის მოხმარების დღიურ ნორმას აკმაყოფილებს! იოდი კი სასიცოცხლოდ აუცილებელია ფარისებრი ჯირკვლის მუშაობისთვის, რომელზეც, თავის მხრივ, დამოკიდებულია უამრავი რამ, მაგალითად: ადამიანის გარეგნობა, განწყობა, გონებრივი შესაძლებლობები, სქესობრივი მომწიფება, გამრავლება და ტემპერამენტი.

გარდა ამისა, ფეიხოას ნაყოფი შეიცავს ვიტამინებს: С, В1, В2, В3, В5, В6, РР; კალციუმს, კალიუმს, ნატრიუმს, მაგნიუმს, ფოსფორს, რკინას, სპილენძს, თუთიას, მანგანუმს; ფოლიუმის მჟავას...

ამ სასარგებლო ნივთიერებებისა და ვიტამინების მაქსიმალური რაოდენობის შესანარჩუნებლად გთავაზობთ ფეიხოას ჯემს თერმული დამუშავების გარეშე.

ფეიხოას ცოცხალი ჯემის მოსამზადებლად დაგჭირდებათ:

  • ფეიხოა - 500 გრ.
  • შაქარი - 500 გრ.

მომზადების პროცესი:

ფეიხოა გადაარჩიეთ, გარეცხეთ და სუფთა ტოლოზე გააშრეთ. ამის შემდეგ თავი და ბოლო მოაჭერით და ჩოფერში ან ხორცსაკეპ მანქანაში გაატარეთ.

კანი არ გათალოთ, რადგან სწორედ ფეიხოას კანშია თავმოყრილი სასარგებლო ნივთიერებათა დიდი წილი.

მიღებულ პიურეს დაუმატეთ შაქარი და კარგად აურიეთ.

გატარებული ფეიხოა ასე დატოვეთ, სანამ შაქრის კრისტალები მთლიანად არ გადნება.

ამის შემდეგ მზა ჯემი ჩაასხით სტერილურ ქილებში, დაახურეთ პლასტმასის თავსახური და გრილ ადგილას შეინახეთ.

ვიტამინებით სავსე, სასარგებლო და გემრიელი ნუგბარი მზადაა.

გემრიელად მიირთვით!


სიახლეები ამავე კატეგორიიდან

ჩვენი ჩურჩხელა და კიდევ 9 ქვეყნის ს...

ტურონი

ლიქიორის მომზადება ერთ დღეში

ლიქიორის რეცეპტი

საშობაო ორცხობილა - მარტივი რეცეპტი

საშობაო ორცხობილა

„დიპლომატი“ - შოკოლადისა და ვანილის...

სწრაფი დესერტი

ვაშლის ნამცხვარი ლიმონით - ნეტარება...

ვაშლის ნამცხვარი ლიმონით -
მარტივი რეცეპტი

„ზოლიანი ტორტი“ - დესერტი ცხობის გა...

ზოლიანი ტორტი

ფრანგული ფენოვანი ცომი - მარტივი, უ...

ფენოვანი ცომის რეცეპტი

მანდარინის მურაბა - უძველესი რეცეპტ...

მანდარინის მურაბა

მთელ-მთელი მსხლის მურაბა

მთელ-მთელი მსხლის მურაბა