უგემრიელესი ხაჭოს ტორტი ტაფაზე

ფენებისთვის საჭირო პროდუქტი:

• 15%-იანი არაჟანი - 200გრ
• შაქარი -150გრ
• ფქვილი: 330 გრ
• სოდა: ნახ ჩ/კ
• მარილი: მწიკვი
• ვანილი: მწიკვი

კრემისთვის:

• ხაჭო -1 კგ
• მოხარშული შესქელებული რძე: 1 ქილა (360 გრ)

მომზადების წესი:

1. არაჟანს შაქარი და მარილი დააყარეთ და კარგად აურიეთ.
ფქვილი გაცერით და სოდა დაუმატეთ.
არაჟანში სოდიანი ფქვილი ნელ-ნელა ჩააყარეთ და ნაზი ცომი მოზილეთ.

2. ცომი 9 ტოლ ნაწილად გაყავით. თითოეული ნაწილი 2-3 სმ-ის სისქეზე და მომავალი ტორტის ზომაზე გააბრტყელეთ.

3. ტორტის ფენები ტაფაზე გამოაცხვეთ და კიდეები ლამაზად შემოაჭერით.

კრემი:

1. ხაჭო მიქსერით კარგად ათქვიფეთ. ეცადეთ მშრალი ხაჭო შეარჩიოთ, რომ კრემმა ფორმა შეინარჩუნოს.

2. ათქვეფილ ხაჭოს ოთახის ტემპერატურის მოხარშული შესქელებული რძე დაამატეთ და კიდევ ერთხელ, კარგად ათქვიფეთ.

3. ტორტის ფირფიტებს კრემი კარგად წაუსვით და მთელი ღამით დატოვეთ, რომ კარგად გაიჟღინთოს.

4. ტორტს თავზე და გვერდებზე კრემი წაუსვით, ფირფიტების ჩამოჭრილი კიდეები დაფშვენით და მოაყარეთ.

გემრიელად მიირთვით!