13 ივნისის ასტროლოგიური პროგნოზი

ვერძი

ეცადეთ, საკუთარ პრობლემებს სხვა კუთხიდან შეხედოთ და ნაკლები ინერვიულოთ - ისინი გაცილებით უმნიშვნელოა, ვიდრე ფიქრობთ. ამიტომ მათ მოგვარებას ადვილად შეძლებთ. უმიზეზო შიშები მხოლოდ ცხოვრებას გირთულებთ. მახვილი ინტუიცია და გამჭრიახობა შეცდომებისგან დაგიცავთ, ხოლო იუმორის გრძნობა ურთიერთობის დამყარებაში დაგეხმარებათ.

კურო

ამ დღეს შემოქმედებასთან, მეცნიერებასა და რელიგიასთან დაკავშირებულ საქმეებში წარმატებას მიაღწევთ. ეცადეთ, თქვენი ბიზნესუნარები ახალი კავშირების დამყარებისთვის გამოიყენოთ. საღამოს ნათესავების ან მეგობრების სტუმრობა სიამოვნებას მოგანიჭებთ.

ტყუპები

ამ დღეს სამართალდამცავ უწყებებთან უსიამოვნო შეტაკებები გელით. გარემოებების ზეწოლას საკუთარ თავზე იგრძნობთ. გირჩევთ, საკუთარ თავს გაუფრთხილდეთ და ზედმეტად არ გადაიღალოთ. მოერიდეთ საჯარო და ხალხმრავალ ღონისძიებებში მონაწილეობას, რადგან ამან შეიძლება უარყოფითი შედეგები გამოიწვიოს. სასურველია მნიშვნელოვანი დავალების შესრულება და დოკუმენტებზე ხელის მოწერა სამომავლოდ გადადოთ.

კირჩხიბი

რთული სამუშაო დღეა, ყოველ ნაბიჯზე ახალი დაბრკოლება გელით, მაგრამ ამის გამო იმედი არ უნდა დაკარგოთ. ეცადეთ, ოჯახური ბიუჯეტი ყურადღებით დაგეგმოთ, რათა ფულის დაკარგვა თავიდან აიცილოთ. ხშირად შეახსენეთ საკუთარ თავს, რომ ახალი საქმის დაწყებამდე ყველაფერი კარგად უნდა აწონ-დაწონოთ. ემოციურად მიღებული გადაწყვეტილება კარგს არაფერს მოგიტანთ.

ლომი

ხელსაყრელი დღეა სწავლისა და ახალი ცოდნის მიღებისთვის. სტუდენტები, მასწავლებლები და მეცნიერები თავიანთ საქმიანობაში წარმატებას მიაღწევენ. თუ ინტელექტუალურ კონკურსში მონაწილეობას გადაწყვეტთ, დიდი ალბათობით, გაიმარჯვებთ. ეცადეთ, კოლეგებთან და საყვარელ ადამიანებთან ურთიერთობისას ემოციები აკონტროლოთ, თორემ უწყინარი ხუმრობა შეიძლება კონფლიქტში გადაიზარდოს.

ქალწული

ამ დღეს სამსახურის შეცვლის შესაძლებლობა მოგეცემათ. თქვენს ცხოვრებაში შემოვლენ ადამიანები, რომლებიც თქვენი ერთგული მეგობრები გახდებიან. მათი რჩევების წყალობით, თქვენი ბევრი პროექტი, დროებითი სირთულეების მიუხედავად, წარმატებით დასრულდება. ამ დღეს პოზიტიური ენერგიით სავსე ხართ. ეცადეთ ეს ენერგია საყვარელ ადამიანებთან კომუნიკაციისა და კარგი საქმეების საკეთებლად გამოიყენოთ.

სასწორი

თქვენნს ცხოვრებაში პოზიტიური ცვლილებების დრო დადგა. მათ შეუძლიათ, როგორც საქმიან, ისე პირად ურთიერთობებზე სასიკეთო გავლენა მოახდინონ. ყველა საქმიანი მოლაპარაკება თუ ახალი ხელშეკრულების გაფორმება წარმატებული იქნება. გირჩევთ, საღამო საყვარელ ადამიანთან ერთად გაატაროთ. გულწრფელი საუბარი კიდევ უფრო დაგაახლოებთ. შესაძლოა, ამ დღეს გაიცნოთ ადამიანი, რომელიც მომავალში დიდ დახმარებას გაგიწევთ.

მორიელი

დროა, ყველა დაწყებული საქმე დაასრულოთ. ამ დღეს ბევრი რამ თქვენს პროფესიულ თვისებებზე იქნება დამოკიდებული. თუ მოინდომებთ, ნებისმიერი რთული სიტუაციიდან გამოსავალს იპოვით, მაგრამ ზოგჯერ მიზნის მისაღწევად ეშმაკობა მოგიწევთ. ახლობელ ადამიანს შეიძლება თქვენი დახმარება დასჭირდეს. ეცადეთ, დაეხმაროთ, თუნდაც ამის სურვილი არ გქონდეთ. ინტერნეტში დაწყებული ურთიერთობა შეიძლება ბობოქარ რომანში გადაიზარდოს.

მშვილდოსანი

ეს დღე მშვილდოსნის კონსერვატიულ მიდრეკილებებს გააძლიერებს. იმის ნაცვლად, რომ ახალი საშუალებები ეძებოთ, მიზნის მისაღწევად გამოცდილ გზაზე სიარულს არჩევთ. შრომისმოყვარეობისა და შეუპოვრობის წყალობით შესანიშნავ შედეგებს მიაღწევთ. ფრთხილად იყავით, დღეს ბევრი სტრესული სიტუაცია გელით. ნუ იქნებით ზედმეტად იმპულსური კოლეგებთან და საყვარელ ადამიანებთან ურთიერთობისას, ამან შეიძლება კონფლიქტამდე მიგიყვანოთ.

თხის რქა

თუ დაუქორწინებელი ხართ, შესაძლოა, სიყვარულის მორევში ჩაიძიროთ - ცხელი ზაფხული ასეთ შესაძლებლობას გთავაზობთ. ნუ შეგეშინდებათ საქმესთან მარტოდმარტო შეჭიდება - პირველივე ნაბიჯების შემდეგ, დამხმარეები გამოჩნდებიან. საყვარელ ადამიანთან გულწრფელი საუბარი ბევრ საკითხზე წარმოდგენას შეგიცვლით.

მერწყული

ეს დღე სამუშაოს უნდა მიუძღვნათ, თორემ ყველაფერს დაკარგავთ, რაც დიდი შრომით მოიპოვეთ. ეცადეთ, საღამო კი ეცადეთ სუფთა ჰაერზე გაატაროთ და ახალი ენერგიით დაიმუხტოთ. საკუთარ თავში არ უნდა „ჩაიკეტოთ“, თუნდაც გარშემო მყოფებთან ურთიერთობა დამღლელი ჩანდეს, ახლა ყველაზე მეტად ურთიერთობები გჭირდებათ.

თევზები

სასიყვარულო ურთიერთობებში ურთიერთგაგება და ჰარმონია სუფევს. ხელსაყრელი დროა ბუნებაში აქტიური დასვენებისთვის. გირჩევთ, ძალების აღსადგენად გამაჯანსაღებელი და პროფილაქტიკური პროცედურები ჩაიტაროთ. ადამიანს, რომელსაც თქვენი დახმარება სჭირდება, უარი არ უთხრათ.