8 სექტემბრის ასტროლოგიური პროგნოზი

ვერძი

თავს მხნედ და ხალისიანად გრძნობთ. ამ დღეს ყველაზე კარგად ის საქმეები გამოგდით, სადაც საშუალება გაქვთ, რომ თქვენი მდიდარი ფანტაზია გამოავლინოთ. ინტუიცია სწორ მინიშნებებს გაძლევთ, ამიტომ ყველაზე სწორი სწრაფად მიღებული გადაწყვეტილებები იქნება. მუშაობის საბოლოო შედეგი თქვენს განწყობაზეა დამოკიდებული, ამიტომ ეცადეთ, ყველაფრის მიმართ პოზიტიური დამოკიდებულება შეინარჩუნოთ. არ შეუშინდეთ სიყვარულის აღიარებას, თუ ეს გულიდან მოდის.

კურო

დღის მეორე ნახევარი პირველზე გაცილებით წარმატებული იქნება. დილით მცირე პრობლემებისა და უსიამოვნო საუბრისთვის უნდა მოემზადოთ. ეცადეთ, უფრო თავშეკავებული იყოთ და თქვენი უკმაყოფილება საყვარელ ადამიანებზე არ გადაიტანოთ. გახსოვდეთ, რომ ნებისმიერ უთანხმოებას შეუძლია საყვარელ ადამიანთან ურთიერთობა დიდი ხნით გააფუჭოს. 8 სექტემბრის საღამოს შესაძლოა, ნანატრი და სასიამოვნო ამბები მიიღოთ.

ტყუპები

ვარსკვლავები გირჩევენ, რომ ოჯახის წევრებთან და მეგობრებთან ურთიერთობაში მეტი სიმშვიდე და თავაზიანობა გამოიჩინოთ. სასურველია, ეს დღე მარტოობაში გაატაროთ, ემოციების კონტროლი ისწავლოთ და მედიტაციაში ივარჯიშოთ. ხელსაყრელი დროა მომავლის დაგეგმვისა და ახალ მიზნებზე ფიქრისთვის.

კირჩხიბი

თქვენი ოპტიმიზმი და პოზიტიური განწყობა ახლობელ ადამიანებს პრობლემების მოგვარებაში დაეხმარება. გირჩევთ, მათ უფრო ხშირად შეეხმიანოთ და მხარი დაუჭიროთ. ძველმა საქმემ ან ურთიერთობამ შეიძლება თავი შეგახსენოთ. ეცადეთ, ძველი შეცდომები არ გაიმეოროთ და ეს თემა სამუდამოდ დახუროთ. შესაძლებელია, რომ თქვენმა ცხოვრებამ სხვა კალაპოტში გადაინაცვლოს, რაც საშუალებას მოგცემთ, აკეთოთ ის, რაზეც დიდი ხანია, ოცნებობთ.

ლომი

თქვენი ქარიზმა და გაბედულება გულგრილს არავის ტოვებს. ვიღაცას თქვენი ქმედებები აღაფრთოვანებს, ვიღაც კი ამ გეგმებში ჩარევას გადაწყვეტს. გარშემო მყოფთა მოწონებას და ნებართვას ნუ დაელოდებით. ისე იმოქმედეთ, როგორც საჭიროდ მიგაჩნიათ. საკმარისია, რაც სხვებს ანგარიში გაუწიეთ, ახლა დროა, ანგარიში თქვენ გაგიწიონ.

ქალწული

პრობლემებს ნუ გაურბიხართ. ხელსაყრელი დღეა იმ უსიამოვნო საკითხების მოსაგვარებლად, რომელსაც გამუდმებით სამომავლოდ ინახავდით. ნათესავები და მეგობრები თქვენს საქმიან თუ მორალურ თვისებებს დააფასებენ. თუ პარტნიორი ცუდ ხასიათზეა, მოთმინება გამოიჩინეთ და კითხვებით ნუ შეაწუხებთ. გამორიცხული არ არის, რომ მნიშვნელოვანი გადაწყვეტილების მიღება მოგიწიოთ.

სასწორი

ამ დღეს ნებისმიერ, თუნდაც უმნიშვნელო საკითხს განსაკუთრებული ყურადღება უნდა დაუთმოთ. არსებობს შეცდომისა და არასწორი გადაწყვეტილების მიღების რისკი, ამიტომ ყველა ინფორმაცია უნდა გადაამოწმოთ. მოერიდეთ ექსპერიმენტებს და კარგად ნაცნობი მეთოდებით იმოქმედეთ. დახმარების იმედი ნუ გექნებათ - ამ დღეს დამოუკიდებლად უნდა იმუშაოთ.

მორიელი

თუ გარშემო მყოფთა საუბრებს ყურადღებით მოუსმენთ, შეიძლება ახალი ამბავი ან თქვენთვის მნიშვნელოვანი ინფორმაცია გაიგოთ. ეცადეთ, ის თქვენს სასარგებლოდ გამოიყენოთ. ამ დღეს მნიშვნელოვანია, სახლში ხელსაყრელი გარემო და ენერგეტიკა შექმნათ. ასეთ გარემოში უფრო ადვილად იმუშავებთ, დაისვენებთ და ძალებს აღიდგენთ.

მშვილდოსანი

კარგი დღეა ადრე დაწყებული საქმეების დასასრულებლად. ვარსკვლავები გაფრთხილებენ, რომ არსებობს საშიში სიტუაციების, უბედური შემთხვევებისა და ტრავმების ალბათობა, ამიტომ ფრთხილად და ყურადღებით უნდა იმოქმედოთ. ურთიერთობაში ნეგატივს უნდა ერიდოთ. მთავარია, ცუდ ფიქრებს არ აჰყვეთ და ირგვლივ მყოფები უარყოფითი აზრებით არ დამუხტოთ. ამან შეიძლება ადამიანები შეაშინოს და თქვენი დახმარების სურვილი გაუქროს.

თხის რქა

ამ დღეს ყველაფერს ერთდროულად ნუ შეეჭიდებით. ეცადეთ, ნათესავების, მეგობრებისა და საყვარელი ადამიანის მიმართ მეტი გულისხმიერება გამოიჩინოთ. გახსოვდეთ, რომ ნებისმიერი სიკეთე უახლოეს მომავალში ორმაგად დაგიბრუნდებათ. კარგი იქნება, თუ უკიდურესობაში არ გადავარდებით – დაიცავით ბალანსი ყველაფერში. მოერიდეთ უსარგებლო ურთიერთობას და ნეგატიურ ადამიანებს.

მერწყული

საინტერესო და წარმატებული დღეა. მერწყულები უჩვეულო ადამიანებს შეხვდებიან, ნათელ ემოციებს განიცდიან და რაღაც სასარგებლოს ისწავლიან. ამ დღეს გარემოებები თქვენს სასარგებლოდ განვითარდება და ახალ შესაძლებლობებს შემოგთავაზებთ. ნუ ინერვიულებთ ყოველ წვრილმანზე და სიყვარულში უკიდურესობაში ნუ გადავარდებით – ეს მნიშვნელოვანია.

თევზები

მოემზადეთ მოულოდნელობისთვის. შესაძლოა, გეგმების შეცვლა და თქვენთვის უჩვეულო საქმის კეთება მოგიწიოთ. გჯეროდეთ საკუთარი თავის და იღბალი თქვენს მხარეს იქნება. გირჩევთ, სასიყვარულო ურთიერთობაში ინიციატივა აიღოთ და პარტნიორს თქვენი გრძნობების შესახებ უამბოთ.