აშშ-ში მოქმედი კანონით, დაბადებით შშმ პირს შეუძლია, იჩივლოს იმის გამო, რომ დაიბადა

იგულისხმება, რომ გინეკოლოგს, რომელიც ქალს მთელი ორსულობის მანძილზე აკვირდებოდა, მოსალოდნელი რისკების შესახებ ინფორმაცია უნდა ჰქონოდა და ეს ინფორმაცია მშობლებამდე უნდა მიეტანა. ფაქტობრივად, ექიმს ადანაშაულებენ იმაში, რომ მისი წინდაუხედაობის გამო, მომავალმა დედამ აბორტი არ გაიკეთა, რასაც შედეგად მოსარჩელის „არასწორი ცხოვრება“ მოჰყვა.

***

აბორტების მიმართ რადიკალურად განსხვავებული შეხედულებაა სხვა შტატებში. მაგალითად, ორიოდე კვირის წინ, ტეხასის გუბერნატორმა გრეგ ებოტმა ხელი მოაწერა კანონს, რომელიც აკრძალავს აბორტს ნაყოფის გულისცემის გამოვლენის შემდეგ, რაც ფაქტობრივად, აბორტის აკრძალვას ნიშნავს. ინფორმაციას Daily Mail- ი ავრცელებს.

ვინაიდან ნაყოფის გულისცემა ორსულობის 5-6 კვირის შემდეგ ვლინდება, ეს კანონი შეერთებულ შტატებში აბორტის შესახებ ერთ-ერთი ყველაზე მკაცრი შემზღუდველი ღონისძიება გახდა.

კანონი იმითაც უნიკალურია, რომ ყველას აძლევს უფლებას, აბორტის ჩამტარებელ ექიმს უჩივლოს. აღნიშნული კანონი აბორტის უფლებას იძლევა მხოლოდ გადაუდებელი სამედიცინო დახმარების შემთხვევაში, მაგრამ არა - გაუპატიურების ან ინცესტის შედეგად დაორსულების შემთხვევაში.

ახალი კანონის თანახმად, ქალს, რომელმაც აბორტი გაიკეთა, ბრალი შეიძლება, თავდასხმის ან მკვლელობის მუხლით წაუყენონ, რაც ამ შტატში სიკვდილით ისჯება.