ხელები ზურგს უკან - რას ნიშნავს თანამოსაუბრის ეს ჟესტი?

შესაძლოა ეს მართლაც ჩვევაა, მაგრამ საქმე ის არის, რომ ჩვევა თავისთავად არასდროს ჩნდება.

თუ საუბრის დროს ადამიანს ხელები ზურგს უკან აქვს, ხოლო ნიკაპი ოდნავ წამოწეული, ეს მხოლოდ ერთ რამეზე მიუთითებს:

ის თავს გრძნობს გარშემომყოფებზე მაღლა. ასეთი ადამიანი შინაგანად მტკიცედ დარწმუნებულია საკუთარ თავში და მყარი ცხოვრებისეული პოზიცია აქვს. ყურადღება მიაქციეთ, როგორი ადამიანები იყენებენ ამ ჟესტს ყველაზე ხშირად. როგორც წესი, ეს პოლიტიკოსების და ლიდერების საყვარელი პოზაა, მაგრამ გაითვალისწინეთ, რომ ის თავდაჯერებაზე იმ შემთხვევაში მეტყველებს, თუკი ერთ ხელს მეორე მაჯით უჭირავს.

თუ ერთი ხელით მეორე ხელის მაჯას ან იდაყვს იჭერს, ეს საპირისპირო ნიშანია და მიუთითებს შემდეგზე:

ადამიანი თავს დაუცველად გრძნობს და არ სურს ამის დემონსტრირება. ასეთი ჟესტით ის თითქოს საკუთარ თავს მოუწოდებს „თავი ხელში აიყვანე“.

როგორ მოვიქცეთ ადამიანთან ურთიერთობაში, რომელიც თავის უპირატესობას გამოხატავს? პასუხი მარტივია: ყველაფერი გააკეთეთ, რომ მასზე სუსტი არ გამოჩნდეთ. ეცადეთ, მასთან ურთიერთობა თანასწორი პოზიციიდან გააგრძელოთ, თორემ მის პატივისცემას დაკარგავთ. თქვენ ასეთ ადამიანთან დარწმუნებით უნდა ისაუბროთ, თქვენი უფლებების თანასწორობის პოზიციიდან.
თუ ასეთი ჟესტი თანამოსაუბრეს კამათის დროს შეამჩნიეთ, მზად იყავით, რომ დღეს თქვენს პოზიციას არ დაეთანხმება, ხოლო ხვალ თქვენს იდეებს საკუთარ იდეებად გაასაღებს, ოღონდ ოდნავ შეცვლის.

ზოგჯერ ადამიანი საკუთარი უპირატესობის დემონსტრირებას არა მხოლოდ ჟესტით, არამედ სიტყვებით და საქმითაც ცდილობს. ასეთ ვითარებაში სიმშვიდე უნდა შეინარჩუნოთ და გაბრაზების ნაცვლად, თავისი ადგილისკენ უნდა მიუთითოთ.