მეცნიერებმა დედამიწის ერთადერთი უკვდავი არსება აღმოაჩინეს
19:57 ხუთ. 17 ნოემბერი, 2022 წელი
როგორც იცით, ნებისმიერი ორგანიზმის სასიცოცხლო ციკლი სიკვდილით მთავრდება, მაგრამ არა მედუზა - Turritopsis nutricula. ამერიკელ მეცნიერებს მიაჩნიათ, რომ მედუზის ეს სახეობა უკვდავია და თავისი სიკვდილით არასდროს კვდება.
უკვდავი მედუზა ტროპიკული ზღვის სიღრმეში ცხოვრობს. ზომით ის დანარჩენ მედუზებს მნიშვნელოვნად ჩამოუვარდება, სამაგიეროდ, უნიკალური მახასიათებელი - უსასრულო თვითრეგენერაციის უნარი აქვს.
სხვა ცოცხალი ორგანიზმების მსგავსად, Turritopsis nutricula-ის სხეულის უჯრედებიც ბერდებიან, მაგრამ სხვებისგან განსხვავებით, არ კვდებიან.
ბებერი მედუზა ზღვის ფსკერზე ეშვება, ქიტინის ფენით იფარება და დარჩენილ სასიცოცხლო ძალებს თვითაღდგენაზე ხარჯავს (ქიტინი აზოტშემცველი პოლისაქარიდია, რომელიც ფიზიკური და ქიმიური თვისებებით მცენარეულ უჯრედებს ჰგავს).
სასიცოცხლო ძალების სრულად აღდგენის შემდეგ მედუზა ქიტინის გარსიდან გამოდის და კიდევ ერთ სასიცოცხლო ციკლს გადის, შემდეგ კიდევ ერთს და ასე დაუსრულებლად.
თუ მეცნიერები გაარკვევენ, როგორ ახერხებს უკვდავი მედუზა საკუთარი გენების მართვას, ეს შეიძლება მედიცინაში ნამდვილ აღმოჩენად იქცეს. ადამიანის მთავარი ოცნება ხომ მარადიული სიცოცხლეა?
სიახლეები ამავე კატეგორიიდან
