მონღოლოიდური ნაოჭი - რატომ აქვთ აზიელებს თვალის ჭრილი ვიწრო?

როგორც ირკვევა, აზიის ხალხებს თვალების ვიწრო ფორმას ქუთუთოების განსაკუთრებული სტრუქტურა, კერძოდ, ზედა ქუთუთოზე დამატებითი ნაკეცის - ეპიკანტუსის, იგივე მონღოლოიდური ნაოჭის არსებობა აძლევს.

ვერსია 1:

12-13 ათასი წლის წინ შუა აზიის ტერიტორია, სადაც, ფაქტობრივად, მონღოლოიდური რასა ჩამოყალიბდა, მკაცრი ამინდის პირობებით გამოირჩეოდა.

აზიელების გარეგნობას მცხუნვარე მზე, მძვინვარე ქარები და ქვიშის ქარიშხლები აყალიბებდა. შესაბამისად, ქუთუთოს ნაკეცი, იგივე ეპიკანტუსი მშრალ სტეპებსა და უდაბნოებში ქარისა და ქვიშისგან დამცავი მექანიზმის სახით წარმოიქმნა. ეპიკანტუსი ასევე იცავდა მზის სხივების მავნე ზემოქმედებისგან.

ვერსია 2:

მეორე ვერსიით, აზიელების ვიწრო თვალების მიზეზი მზე და ქვიშა კი არა, ძლიერი ყინვებია.

საქმე ისაა, რომ ეპიკანტუსის განვითარება ზედა ქუთუთოს კანის ქვეშ ცხიმოვანი ფენის სისქეზე იყო დამოკიდებული. აზიელებს ქუთუთოს კანის ქვეშ ცხიმის სქელი ფენა აქვთ, რაც თვალებს ვიზუალურად უფრო ავიწროებს, ვიდრე სინამდვილეშია. ანთროპოლოგებს მიაჩნიათ, რომ ცხიმის ფენა თვალებს ყინვისგან იცავდა.

***

დღეისთვის ვიწრო თვალების მქონე ადამიანების უმეტესობა ცენტრალურ, აღმოსავლეთ და ჩრდილოეთ აზიაში ცხოვრობს, რაც ადასტურებს მეცნიერთა ვარაუდებს, რომ თანამედროვე აზიელების წინაპრები რთულ კლიმატურ პირობებში ცხოვრობდნენ.

ასე რომ, პასუხი კითხვაზე „რატომ აქვთ აზიელებს ვიწრო თვალები?" ძალიან მარტივია - ეს არის თვალის ბუნებრივი დაცვა ნეგატიური ზემოქმედებისგან და სხვა არაფერი.

ესეც საინტერესოა:

როცა ლამაზი თვალები დაავადების სიმპტომია

რით „ვკვებოთ“ თვალები?