რატომ არ არის ირლანდიაში გველები?

ლეგენდის თანახმად, ირლანდიიდან გველები V საუკუნეში, წმინდა პატრიკმა განდევნა. ამ წმინდანს ირლანდიის გაქრისტიანება და სხვადასხვა სასწაულები უკავშირდება;

თუმცა, მეცნიერებს მიაჩნიათ, რომ ირლანდიაში გველები წმინდა პატრიკის გამოჩენამდე, მრავალი ათასი წლით ადრეც არ ყოფილან.

საქმე ისაა, რომ ბოლო გამყინვარების პერიოდში, რომელიც, დაახლოებით, 10 000 წლის წინათ დასრულდა, ირლანდია მყინვარებით იყო დაფარული. ცხადია, სითბოს მოყვარული გველები ასეთ პირობებში ვერ გადარჩებოდნენ. როდესაც მყინვარები გადნა და ოკეანეში წყლის დონემ აიწია, ირლანდია კონტინენტს მოწყდა და შუა ოკეანეში აღმოჩნდა. ასეთ პირობებში გველები კუნძულზე ვერ მოხვდებოდნენ და ასეც მოხდა.

დიდი ბრიტანეთი კუნძულად ორი ათასი წლის შემდეგ იქცა, ამიტომ იქ გველების რამდენიმე სახეობა მაინც შემორჩა.

ერთადერთი ქვეწარმავალი, რომელიც ირლანდიაში ბინადრობს, ხვლიკია.

ესეც დაგაინტერესებთ 👇

ჟღალთმიანების ირლანდიური კონვენცია

გველების კუნძული, სადაც ადამიანის ფეხი აკრძალულია!