რატომ არ ჭამენ ვეგანები ლეღვს?

საქმე ის არის, რომ თავისი არსით, ეს მცენარე ამობრუნებული ყვავილია და მისი დამტვერვა ჩვეულებრივი გზით არ ხერხდება, ამიტომ ლეღვის ნაყოფში ერთ-ერთი სახეობის კრაზანა ძვრება და იქ კვერცხებს დებს. ეს მცენარისა და მწერის „ორმხრივი თანამშრომლობის“ მშვენიერი მაგალითია, რადგან ლეღვს კრაზანას დახმარების გარეშე გამრავლება არ შეუძლია და ვერც კრაზანა მრავლდება ლეღვის გარეშე...

***

ალბათ იცით, რომ ლეღვი ატმის ან ალუბლის ხის მსგავსი ყვავილებით არ ყვავის. ყვავილობის დროს ხეზე ერთგვარი „კოლბები“ წარმოიქმნება, პატარა ხვრელებით.

ამ „კოლბებში“ მცენარის მტვერია, თანაც ზოგში მამრობითი სქესის, ზოგში მდედრობითის. მამრობითი სქესის „კოლბებში“ დედალი კრაზანები კვერცხების დასადებად შედიან. ამ კვერცხებიდან იჩეკებიან უფრთო მამრები და ფრთიანი მდედრები, რომლებიც სხვა „კოლბებს“ ანაყოფიერებენ და ასე დაუსრულებლად.

ზოგჯერ მდედრი კრაზანები შეცდომით მდედრობითი სქესის „კოლბაში“ ხვდებიან, საიდანაც გამოსვლას ვერ ახერხებენ და სამუდამოდ მასში რჩებიან.

ლეღვის ნაყოფი კრაზანას პაწაწინა სხეულს სპეციალური ფერმენტის დახმარებით შლის და გარეთ გამოაქვს. სწორედ ამის გამო ვეგანები ლეღვს ხორცის მჭამელ მცენარედ მიიჩნევენ და არ მიირთმევენ.

ესეც საინტერესოა:

ასუქებს თუ არა ლეღვი?

ლეღვის ჩირის სასარგებლო თვისებები