რატომ არ დაფრინავენ თვითმფრინავები ანტარქტიდის თავზე?

რატომ არ დაფრინავენ ანტარქტიდის თავზე თვითმფრინავები?

გასული საუკუნის შუა წლებში ანტარქტიდის ტერიტორიაზე სამხედრო ტექნიკის გამოყენება აიკრძალა. მსოფლიოს წამყვანი ქვეყნების ლიდერები შეთანხმდნენ, რომ კონტინენტზე მხოლოდ სამეცნიერო და კვლევითი საქმიანობა განხორციელდებოდა.

მიუხედავად იმისა, რომ ოფიციალური აკრძალვა არ არსებობს და საჰაერო სივრცე, ფაქტობრივად, ღიაა, ანტარქტიდის თავზე სამოქალაქო თვითმფრინავები არ დაფრინავენ. მიზეზი ის გახლავთ, რომ ანტარქტიდას ყოველი მხრიდან წყალი არტყამს და კონტინენტზე არც ერთი ასაფრენი ბილიკი არ არის.

რა თქმა უნდა, ასაფრენი ბილიკის აშენება შესაძლებელია, მაგრამ მისი მომსახურება იმდენად ძვირი დაჯდება, რომ ავიაკომპანიებს ამის გაკეთების სურვილი არ აქვთ - ამ რეგიონის კლიმატური პირობები იმდენად მკაცრია, რომ ადამიანებს ანტარქტიკაზე ცხოვრების სურვილი არ აქვთ.

არსებობენ ერთეული ავიაკომპანიები, რომლებიც ანტარქტიდაზე დაფრინავენ, თუმცა, მხოლოდ ექსკურსიის მიზნით და სოლიდური ანაზღაურების სანაცვლოდ.

პლანეტის კიდევ რომელ ნაწილებში იკრძალება თვითმფრინავის ფრენა?

თვითმფრინავის ფრენა იკრძალება, მაგალითად, ულამაზეს ტიბეტზე, სადაც მთების საშუალო სიმაღლე 6000 მ-ზე მეტია. ნორმალურ სიტუაციაში თვითმფრინავისთვის ეს სიმაღლე დაბრკოლებას არ წარმოადგენს, მაგრამ მფრინავს სიმაღლის სასწრაფო შემცირება რომ დასჭირდეს, ტიბეტში არ გამოუვა.

კიდევ ერთი ადგილი, სადაც ფრენა იკრძალება, ჩრდილოეთ პოლუსია - იქ ძალიან ძლიერი მაგნიტური ველია, რომელიც სანავიგაციო მოწყობილობების მუშაობაზე უარყოფითად აისახება. გარდა ამისა, ჩრდილოეთ პოლუსზე ოზონის თხელი ფენა და რადიაციის მაღალი დონეა.

კიდევ ერთი ადგილი, სადაც თვითმფრინავების ფრენა იკრძალება სხვადასხვა ქვეყნის საიდუმლო სამხედრო ობიექტებია. ასევე, ავიაკომპანიები ცდილობენ თვითმფრინავები ე.წ. ცხელ წერტილებს: სირიას, სომალის, ლიბიას, ერაყს და ა.შ. მოარიდონ.

🔰:

რით განსხვავდება არქტიკა ანტარქტიდისგან?

რატომ ეკრძალებათ ერთი თვითმფრინავის მფრინავებს ერთნაირი კერძის ჭამა?

როგორ იქცა საბჭოთა მფრინავი ინდიელების ბელადად?