რატომ არ ერევა ერთმანეთს წყნარი და ატლანტის ოკეანეების წყლები?

***

თქვენ წინაშეა ფოტო, რომელზეც წყნარი და ატლანტის ოკეანეების შეხვედრის ადგილია აღბეჭდილი. რატომ არ ერევა მათი წყლები?

ჰიდროლოგები ამას წყლის სხვადასხვა შემადგენლობით ხსნიან. ორ სხვადასხვა ოკეანეს განსხვავებული სიმკვრივის, ტემპერატურის და მარილიანობის წყალი აქვს, ამიტომ ერთმანეთს ვერ ერევა. ამ მოვლენას სამეცნიერო სახელი აქვს და ჰალოკლინი ეწოდება.

ჰალოკლინი არის საზღვარი წყლის ნაკადებს შორის, რომლებსაც განსხვავებული მარილის შემცველობა აქვთ. წყლის მარილიანობა პრომილებით იზომება (პრომილე - მთელის მეათასედი ნაწილი). წყნარ ოკეანეში 1 ლიტრ წყალში მარილის შემცველობა 34,9 პროცენტია, ხოლო ატლანტის ოკეანეში - 35,4 პროცენტი. მხოლოდ ეს განსხვავებაც საკმარისია, რომ ამ ოკეანეების წყლები ერთმანეთს არასოდეს შეერიონ.

***

ასეთივე შთამბეჭდავია ჰალოკლინის ეფექტი დანიის საკურორტო ქალაქ სკაგენის სანაპიროსთან. ამ ადგილზე ერთმანეთს ბალტიისა და ჩრდილოეთის ზღვები ხვდებიან. ზღვის წყლებს სხვადასხვა სიმკვრივე და შესაბამისად, მარილის სხვადასხვა შემადგენლობა აქვთ. „საზღვაო საზღვარი“ნაპირიდან შეუიარაღებელი თვალითაც ჩანს.

ქალაქი სკაგენი დანიის ჩრდილოეთ ნაწილში მდებარეობს. მე-18 საუკუნის შუა ხანებში აშენებული პატარა ეკლესიის გარდა, ქალაქში სხვა ღირსშესანიშნავ ადგილებს ვერ ნახავთ, მაგრამ აქ მოხვედრას უამრავი ტურისტი ერთადერთი მიზნით ცდილობს - საკუთარი თვალით ნახონ ორი ზღვის შეხვედრა.

***

ეს ფოტო კი გადაღებულია გიბრალტარის სრუტეში, ხმელთაშუა ზღვისა და ატლანტის ოკეანის შეხვედრის ადგილას.

განსხვავებული ტემპერატურისა და შემადგენლობის გამო, ამ წყლებსაც არ უწერიათ ერთმანეთთან შერევა.

ესეც საინტერესოა:

დედამიწაზე შეიძლება ახალი ოკეანე წარმოიქმნას, რომელიც აფრიკის ნაწილს „ჩაყლაპავს“

გერმანიაში შექმენს რობოტი-მედუზა ოკეანეების გასაწმენდად

ზღვის ბოშები - როგორია ცხოვრება ტალღებზე