რატომ არ შეიძლება ქოლგის სახლში გაშრობა? - ხალხში გავრცელებული ცრურწმენები

ჩვენ გიამბობთ როგორ მოვიზიდოთ ფინანსური იღბალი ქოლგის დახმარებით და რისი გაკეთება არ შეიძლება?

ქოლგის ჩუქება არ შეიძლება

ხალხური რწმენის თანახმად, ქოლგის ჩუქება ცუდი იდეაა, რადგან ეს მომავალ მფლობელს სიხარულს არ მოუტანს, პირიქით, შეიძლება ძალიან ხშირად აღმოჩნდეს წვიმაში გარეთ... ქოლგის გარეშე.

რომელია ქოლგის სწორი ფერი

ხალხური რწმენის თანახმად, ქოლგის ფერს განსაკუთრებული ყურადღება უნდა მიექცეს.

საკმაოდ პრაქტიკული და კლასიკური შავი ქოლგა საუკეთესო ვარიანტი არაა - ხალხში ფიქრობენ, რომ ის ნეგატივს იზიდავს.
თეთრი ქოლგის მფლობელს ბევრი მტერი და მოშურნე ადამიანი ეყოლება, რაც მის ავტორიტეტზე ცუდ გავლენას მოახდენს.
ეზოთერიკოსები ირწმუნებიან, რომ ფერადი ქოლგა საუკეთესო არჩევანია. ამას პრაქტიკული მნიშვნელობაც აქვს - ფერადი ქოლგა მასიდან გამოირჩევა და მხედველობიდან არ დაკარგავთ.

რას მოასწავებს ქოლგის დაკარგვა ან გატეხა

ქოლგის დაკარგვა ცუდის ნიშანია. ასევე, არ შეიძლება ქოლგის შეუფერებელ ადგილზე: მაგიდაზე ან საწოლზე დატოვება - ამან შეიძლება, ოჯახურ ურთიერთობებში პრობლემები და უსიამოვნებები მოგიტანოთ.

გატეხილი ქოლგა ფინანსურ სირთულეებთან და უსიამოვნო სიახლეებთან ასოცირდება, ამიტომ განსაკუთრებით უნდა გაუფრთხილდეთ.

რას ნიშნავს ქოლგა სიზმარში

არ იფიქროთ, რომ ქოლგებს მხოლოდ უარყოფითი მინიშნებები უკავშირდება. თუ სიზმარში მზეს ქოლგით ემალებით, ეს თქვენ მიმართ პლანეტების კეთილგანწყობაზე მეტყველებს - ასეთი სიზმრები ფულს იზიდავს.

ახალდაქორწინებულთა ქოლგა

ქოლგებთან დაკავშირებით კიდევ ერთი მინიშნება არსებობს, რომელიც განსაკუთრებით, ახალდაქორწინებულებს დააინტერესებს. არსებობს რწმენა, რომ ახალდაქორწინებულებმა ცხოვრების ახალი ეტაპის დაწყებისას ქოლგა უნდა შეიძინონ - ეს მათ კავშირს და მათ სახლს უსიამოვნებებისგან დაიცავს.

გაშლილი ქოლგის სახლში გაშრობა არ შეიძლება

ხალხური მინიშნების თანახმად, გაშლილი ქოლგის სახლში გაშრობა არ შეიძლება, რადგან ამით შეიძლება სახლის კეთილი ანგელოზი გაანაწყენოთ და ბოროტად აქციოთ. ასე რომ, ქოლგის გასაშრობად სხვა ადგილი და საშუალება უნდა გამონახოთ.